‘बाहुबली’सोबत रोमान्स करणार कतरिना?

२०१६ हे वर्ष कतरिनासाठी काही खास ठरलं नसलं तरीही, २०१७ मध्ये मात्र तिचं नशीब जोरावर दिसत आहे. सध्या ती अली अब्बास जफरच्या ‘टायगर जिंदा है’ या चित्रपटाच्या चित्रीकरणासाठी वेळ देत असून, या चित्रपटात ती अभिनेता सलमान खानसोबत झळकणार आहे. त्यामागोमाग आमिर खान आणि अमिताभ बच्चन स्टारर ‘ठग्स ऑफ हिंदोस्तान’साठीही तिची वर्णी लागली आहे. तर, येत्या काही दिवसांमध्ये ती ‘जग्गा जासूस’ या चित्रपटातूनही प्रेक्षकांच्या भेटीला येणार आहे.

‘जग्गा जासूस’ या चित्रपटातून रणबीर-कॅटची केमिस्ट्री पाहायला मिळणार असून ब्रेकअपनंतर हा त्यांचा पहिलाच चित्रपट आहे. कतरिना सध्या तिच्या करिअरवर जास्त लक्ष केंद्रित करत असून काही दिवसांपूर्वीच तिने ‘इन्स्टाग्राम’ या सोशल नेटव्हर्किंग साइटवरही पदार्पण केलं होतं. तिच्या नावाभोवती असणारं प्रसिद्धीचं वलय आणि प्रभासची अफलातून लोकप्रियता पाहता ‘साहो’ हा चित्रपट दोन्ही कलाकारंसाठी महत्त्वाचा असून प्रेक्षकांसाठीसुद्धा ही एक पर्वणीच आहे असं म्हणायला हरकत नाही.