नुकताच अभिनेत्री परिणीती चोप्रा आणि आम आदमी पक्षाचे खासदार राघव चड्ढा यांचं मोठ्या थाटामाटात लग्न सोहळा पार पडला. उदयपूरच्या लीला पॅलेसमध्ये पंजाबी पद्धतीत दोघांचं लग्न झालं. त्यानंतर आता बॉलीवूडमध्ये अभिनेता विद्युत जामवाल याच्या लग्नाची जोरदार चर्चा सुरू झाली आहे. लंडनमध्ये विदयुतचं लग्न होणार असल्याचं बोललं जात आहे. हेही वाचा - दाक्षिणात्य सुपरस्टारसह जान्हवी कपूर करणार रोमान्स, तर सैफ अली खान साकारणार ‘ही’ भूमिका, ‘या’ दिवशी प्रदर्शित होणार चित्रपट २०२१ पासून विद्युत जामवाल फॅशन डिझायनर नंदिता महतानीला डेट करत असल्याच्या चर्चा सुरू आहेत. दोघांचा साखरपुडा देखील झाल्याचं बोललं जात होतं. पण त्यानंतर दोघांचा ब्रेकअप झाल्याचं समोर आलं. अशातच आता विद्युत लवकरच बोहल्यावर चढणार असल्याचं म्हटलं जात आहे. मात्र याबाबत अभिनेत्याने कोणतीही अधिकृत माहिती दिलेली नाही. हेही वाचा – Sindhutai Maazi Maai: ‘राज रानीची गं जोडी’ फेम अभिनेत्री झळकणार सिंधुताईंच्या भूमिकेत; पाहा मालिकेचा नवा प्रोमो पॉप डायरीजच्या वृत्तानुसार, विदयुत लग्नबंधनात अडकणार असून लंडनमध्ये अभिनेत्याचा लग्नसोहळा पार पडणार आहे. कारण विद्युतची होणारी पत्नी ही लंडनमध्ये राहणारी आहे. पण दुसऱ्याबाजूला विद्युतने गुपचूप लग्न केल्याचं बोललं जात आहे. परंतु आता हे कितपत खरं आहे हे येत्या काळातचं स्पष्ट होईल. हेही वाचा – केतकी माटेगावकरचं पहिलं लग्न कोणाबरोबर झालंय? जाणून घ्या… https://www.instagram.com/p/CTwAhI7spsZ/?utm_source=ig_embed&ig_rid=32a20dcd-d27b-40c0-bec3-cc86aa10acb6 विद्युतची होणारी पत्नी कोण आहे? विद्युतची होणारी पत्नी ही दुसरी तिसरी कोणी नसून त्याची गर्लफ्रेंड फॅशन डिझायनर नंदिता महतानी आहे. २०२१ मध्ये अभिनेत्याने नंदिताबरोबर साखरपुडा केला होता. दरम्यान विद्युतने नंदिताबरोबर बरेच फोटो सोशल मीडियावर शेअर केले आहेत. दोघांचा ताजमहालच्या बाहेर असलेला फोटो चांगलाच व्हायरल झाला होता.
