सलमान खान आणि संगीता बिजलानीचे लग्न का मोडलं? एक्स गर्लफ्रेंड सोमी अलीचा धक्कादायक खुलासा, म्हणाली “तिने त्याला रंगेहाथ…”

संगीता बिजलानी आणि सलमान खान यांनी १९८६ मध्ये एकमेकांना डेट करण्यास सुरुवात केली. ते दोघेही एकमेकांच्या प्रेमात आकंठ बुडाले होते. या दोघांच्या रिलेशनशिपच्या चर्चा बॉलिवूडमध्ये फार गाजल्या. जवळपास १० वर्ष एकमेकांना डेट केल्यानंतर त्या दोघांनी लग्न करण्याचा निर्णय घेतला होता. पण ऐनवेळी त्यांचं लग्न रद्द करण्यात आलं. त्यातच आता सलमानची एक्स गर्लफ्रेंड सोमी अलीने ‘आजतक’ला दिलेल्या मुलाखतीत धक्कादायक खुलासा केला आहे. तिचा हा व्हिडीओ सध्या व्हायरल होत आहे. यात ती संगीता बिजलानी आणि सलमान खान यांचं लग्न का तुटलं, याबद्दल सांगताना दिसत आहे.
आणखी वाचा : “मला तिच्याबरोबर…”, अपूर्वा नेमळेकरने सांगितला तेजश्री प्रधानबरोबर काम करण्याचा अनुभव, म्हणाली “आम्ही एकत्र…”

“सलमान हा संगीताबरोबर लग्न करण्यासाठी पूर्णपण तयार होता. त्यांच्या लग्नाच्या पत्रिकाही छापण्यात आल्या होत्या. त्यांच्या लग्नाच्या धामधुमीदरम्यान संगीताने मला आणि सलमानला माझ्या अपार्टमेंटमध्ये रंगेहाथ पकडले. जे सलमानने संगीताबरोबर केले, तेच पुढे माझ्याबरोबरही झाले. यालाच कर्म म्हणतात”, असे सोमी अलीने यावेळी म्हटले.

“जेव्हा मी थोडी मोठी झाले, तेव्हा मला याबद्दल समज आली. त्यावेळी मला सलमान खूप आवडायचा. मला त्याच्याबरोबर लग्न करायचे होते. पण सलमानने माझे शोषण केले. सलमान मला म्हणायचा की मी इतर मुलींना का मारहाण करत नाही आणि तुला का मारहाण करतो, याचे कारण तुला माहितेय का? कारण मी तुझ्यावर प्रेम करतो. त्यावेळी मी इतकी वेडी होते की मी पत्रकरांना यावरुन हेडलाईन दिली होती. तो मला मारहाण करतो कारण त्याला माझी काळजी वाटते, असे मी पत्रकारांना सांगितले होते”, असेही ती म्हणाली.

आणखी वाचा : रिंकू राजगुरुच्या इन्स्टाग्रामवरील सर्व पोस्ट झाल्या गायब, कारण अद्याप अस्पष्ट

दरम्यान सलमान खान आणि सोमी अली १९९३ मध्ये रिलेशनशिपमध्ये होते. मात्र काही दिवसांनी ते वेगळे झाले. यामागे प्रामुख्याने सलमानची गैरवर्तणूक हे कारण असल्याचं समोर आलं होतं. त्यानंतर तिने अनेक गोष्टींवर खुलेपणाने भाष्य केले होते.