बॉलिवूडमधील प्रसिद्ध अभिनेता अनुपम खेर यांचा चाहता वर्ग मोठा आहे. बिग बी अमिताभ बच्चन मुख्य भूमिकेत असलेला ‘ऊंचाई’ या चित्रपटात अनुपम खेर यांनीही महत्त्वाची भूमिका साकारली होती. या चित्रपटाला बॉक्स ऑफिसवर चांगले यश मिळाले. अनुपम खेर बॉलिवूडमधील दिग्ग्ज अभिनेत्यांपैकी एक आहेत. ज्यांनी आजवर वेगवेगळ्या भूमिका साकारल्या आहेत. नुकतीच त्यांनी कंगना रणौतची भेट घेतली आहे. अनुपम खेर सोशल मीडियावर कायमच सक्रीय असतात. राजकीय सामाजिक मुद्द्यांवर ते भाष्य करत असतात. नुकतेच त्यांनी कंगना बरोबरच्या भेटीचे फोटो शेअर केले आहेत. ज्यात ते असं म्हणालेत "तुला भेटून कायमच आनंद होतो मग ती भेट चित्रपटाच्या सेटवर असो किंवा विमानतळावर…" अशा शब्दात त्यांनी आपल्या भावना व्यक्त केल्या आहेत. राणा दग्गुबाती भारतातील प्रसिद्ध विमान कंपनीवर संतापला; ट्वीट करत म्हणाला… अनुपम खेर सध्या चर्चेत आहेत. इस्रायलच्या दिग्दर्शकाने 'काश्मीर फाइल्स' चित्रपटावर टीका केल्याने ते साहजिकच नाराज झाले होते. अनुपम खेर यांची 'काश्मीर फाइल्स' चित्रपटात महत्वाची भूमिका होती. यात त्यांनी काश्मिरी पंडित साकारले होते. अनुपम खेर लवकरच कंगनाच्या ‘इमर्जन्सी चित्रपटात दिसणार आहेत. त्यांच्याबरोबरीने अभिनेता श्रेयस तळपदे, मिलिंद सोमण यांसह अभिनेत्री महिमा चौधरी महत्त्वाच्या भूमिका साकारताना दिसणार आहे. कंगना अभिनयाच्याबरोबरीने या चित्रपटाचे स्वतः दिग्दर्शनदेखील करत आहे
