बॉलीवूड अभिनेत्री ऐश्वर्या राय-बच्चन आणि तिची लेक आराध्या बच्चन या दोघींचे व्हिडीओ सोशल मीडियावर नेहमी व्हायरल होत असतात. कधी पार्टीतले व्हिडीओ तर कधी विमानतळावरील व्हिडीओ या मायलेकीचे चर्चेत असतात. सध्या या मायलेकीचा एक व्हिडीओ सोशल मीडियावर तुफान व्हायरल झाला आहे. ज्यामध्ये दोघी डान्स करतानाचा दिसत आहेत.
ऐश्वर्या राय-बच्चन आणि आराध्या बच्चनचा हा व्हिडीओ ‘इन्स्टंट बॉलीवूड’ या इन्स्टाग्राम पेजवर शेअर करण्यात आला आहे. ज्यामध्ये दोघी डान्स करताना दिसत आहेत. हा व्हिडीओ खूप जुना आहे, पण तो पुन्हा सोशल मीडियावर चर्चेत आला आहे. यामध्ये ऐश्वर्या काळ्या रंगाच्या अनारकली ड्रेसमध्ये दिसत आहे, तर आराध्या पांढऱ्या रंगाच्या ड्रेसमध्ये दिसत आहे. दोघी मनसोक्त डान्स करत आहेत. तसेच त्यांच्या बाजूला अभिनेत्री जिनिलीया डिसूजा-देशमुख देखील डान्स करताना पाहायला मिळत आहे. पण ऐश्वर्या लेकीला जवळ घेऊन डान्स करताना दिसत असल्यामुळे नेटकऱ्यांना ते खटकलं आहे.
हेही वाचा – मिचौंग चक्रीवादळामुळे चेन्नईत अडकलेला आमिर खान, दाक्षिणात्य अभिनेत्याने शेअर केले बचावकार्याचे फोटो
या व्हिडीओवर नेटकऱ्यांनी भरभरून प्रतिक्रिया दिल्या आहेत. एका नेटकरीने लिहिलं आहे, “ही कधी अभ्यास करते? सगळीकडेच हिला का घेऊन जाते?” तसेच दुसऱ्या नेटकऱ्याने लिहिलं आहे, “कधी तरी मुलीला एकटीला सोड.” तसेच तिसऱ्या नेटकऱ्याने लिहिलं आहे, “एवढीच जर तिची काळजी वाटतं असेल तर घरातून घेऊन येतेस तरी का?”
हेही वाचा – ‘ठरलं तर मग’च्या सेटवर आहे इच्छाधारी नागिन, अभिनेत्री जुई गडकरी इन्स्टाग्राम स्टोरी शेअर करत म्हणाली…
दरम्यान, गेल्या महिन्यात १६ तारखेला आराध्या बच्चनचा १२वा वाढदिवस साजरा केला होता. या दिवशी अभिषेक बच्चन आणि ऐश्वर्या राय बच्चनने आपल्या लेकीसाठी खास पोस्ट शेअर केली होती.
