“जेव्हा आपण एखादी वाईट कमेंट करतो तेव्हा…”, होणाऱ्या टीकेवर ‘गदर २’मधील सनी देओलच्या सूनेने सोडलं मौन

या चित्रपटात सनी देओलच्या सूनेची भूमिका अभिनेत्री सिमरत कौर साकारणार आहे. तर सिमरतचा जोडीदार म्हणून अभिनेता उत्कर्ष शर्मा याला कास्ट करण्यात आलं आहे. नेटकरी त्याच्या कास्टिंगबद्दल सकारात्मक प्रतिक्रिया देत आहेत, पण सनी देओलच्या सुनेच्या भूमिकेत सिमरत कौरची निवड करण्यात आल्याबद्दल नेटकरी नाराज झाले आहेत. पण या चित्रपटाच्या आधी तिने एका बी ग्रेड चित्रपटात काम केल्यामुळे नेटकरी नाराजी व्यक्त करत आहेत. अनेकांचं असं म्हणणं आहे की आम्ही सनी देओलचे चाहते आहोत पण पण सिमरतच्या या आधीच्या बोर्ड अंदाजामुळे सनीच्या कार्याला ठेच पोहोचत आहे. आता यावर तिने स्वतः प्रतिक्रिया दिली आहे.

आणखी वाचा : रामायण – महाभारताशी ‘गदर २’चं आहे मोठं कनेक्शन, खुलासा करत दिग्दर्शक म्हणाले…

ती म्हणाली, “मी एक संवेदनशील आणि भावनिक स्त्री आहे. मी अभिनेत्री नसतानाही सोशल मीडियावर माझे मत व्यक्त करायचे. पण मला माहित आहे की जेव्हा आपण एखादी वाईट कमेंट करतो तेव्हा त्याने समोरच्या व्यक्तीला त्रास होऊ शकतो. त्यामुळे सोशल मीडियावर माझे शब्द लिहिण्यापूर्वी मी नेहमी विचार करायचे.”

हेही वाचा : Gadar 2 teaser: जबरदस्त डायलॉग, सनी देओलची खास झलक; ‘गदर २’चा टीझर प्रदर्शित, पण…

पुढे ती म्हणाली, “लोकांनी एका रात्रीत माझ्याबद्दलचं मत बदलावं अशी माझी अपेक्षा नाही. प्रत्येकाचं मत वेगळं असतं. लोक ते व्यक्त करण्यास पूर्णपणे मोकळे आहेत. तो व्यवसायाचा एक भाग आहे. हे आयुष्यभर चालेल. आज एका गोष्टीसाठी, उद्या दुसऱ्या गोष्टीसाठी. माझ्यासाठी ‘गदर २’चा भाग असणं माझ्या आजूबाजूच्या कोणत्याही नकारात्मकतेपेक्षा मोठं आहे. चित्रपट आल्यावर त्यांना चित्रपट आणि माझे कामही आवडेल.”