“आर्यनपेक्षा शाहरुख खान…” भर कार्यक्रमात विचारलेल्या ‘त्या’ प्रश्नावर गौरी खानचे थेट उत्तर

गौरी खानच्या ‘माय लाईफ इन डिझाईन’ या कॉफी टेबल बुकचा प्रकाशन सोहळा नुकताच पार पडला. या पुस्तकात खान कुटुंबियांच्या आयुष्यात घडलेल्या अनेक गोष्टी पाहायला मिळणार आहे. या पुस्तकाचे काही फोटोही समोर आले होते. तेव्हापासूनच या पुस्तकाची प्रचंड उत्सुकता होती.
आणखी वाचा : Video : “याला म्हणतात संस्कार”, रितेश-जिनिलीयाच्या मुलांनी जिंकलेले गोल्ड मेडल गळ्यातून काढले अन्…

या कार्यक्रमाला अभिनेता शाहरुख खान उपस्थित होता. यावेळी काही प्रसारमाध्यमांनी गौरीला आर्यन खानबद्दल विचारले. त्यावर तिने फारच मजेशीर उत्तर देत आर्यन व्यस्त असल्याचे सांगितले. यावेळी ती म्हणाली, “माझ्या या पुस्तकातील सर्वात चांगली गोष्ट म्हणजे कुटुंबाचा फोटो आहे. या पुस्तकाच्या प्रकाशनसाठी मला शाहरुखची तारीख मिळवणं फार सोपं होतं. पण माझ्यासाठी आर्यनच्या तारखा मिळवणं फारच कठीण होतं. तो सध्या कामात फार व्यस्त आहे”, असे तिने सांगितले.

आणखी वाचा : गौरी खानने इंटिरिअर डिझाईनिंग करण्याचा निर्णय का घेतला? समोर आलं खरं कारण, शाहरुख म्हणाला “एक सोफा…”

दरम्यान गौरी खानने यापूर्वी ‘ड्रीम हाऊस विथ गौरी खान’ हा शो होस्ट केला होता. यात तिने अनेक कलाकारांची घरं पुन्हा डिझाइन केली होती. तसेच नेटफ्लिक्सच्या ‘फेब्युलस लाइफ ऑफ बॉलिवूड वाइव्हज’मध्ये तिने तिच्या डिझायनर स्टोअरची झलकही चाहत्यांना दाखवली होती.