“लोकांना हॉलिवूडला जायचं आहे मला… ” ‘गॉडफादर’ चित्रपटाच्या प्रमोशनदरम्यान सलमानने केला खुलासा

या चित्रपटातील कलाकारांशी जेव्हा संवाद साधला होता तेव्हा एका पत्रकाराने त्याला विचारले ‘सलमान तुझा हा चित्रपट आहे इतर अभिनेतेदेखील दाक्षिणात्य चित्रपटांमध्ये दिसत आहेत. यापुढे तो आणखीन कोणत्या चित्रपटांमध्ये दिसणार आहेस का’? सलमानने लगेचच उत्तर दिले की, ‘आपल्याकडील अभिनेते हॉलिवूडकडे जातात मला मात्र दाक्षिणात्य चित्रपटांकडे जायचे आहे. आम्ही सगळे जर एकत्र काम करू लागलो तर खूप मोठा आकडा गाठू शकतो, अशा शब्दात त्याने उत्तर दिले’.

करिष्मा कपूरचा बोल्ड अंदाज! क्रॉप टॉपमधला फोटो केला शेअर, अनुष्का म्हणाली “नेहमीच .. “

हा राजकीय अॅक्शन थ्रीलर चित्रपट ५ ऑक्टोबरला प्रदर्शित झाला. ज्यात सलमानने मसूद भाई ही व्यक्तिरेखा साकारली आहे. तो राजकीय नेता ब्रम्हाची विश्वासू असल्याचं दाखवण्यात आलं आहे. चित्रपटात इतकी मोठी स्टारकास्ट असूनदेखील चित्रपटाला प्रेक्षकांचा संमिश्र प्रतिसाद मिळत आहे. ‘गॉडफादर’मध्ये चिरंजीवी व्यतिरिक्त नयनतारा, मुरली शर्मा, सुनील, सत्यदेव कांचराना या कलाकारांनी काम केले आहे.

‘गॉडफादर’ हा चित्रपट मूळच्या ‘ल्युसिफर’ या मल्याळम चित्रपटाचा तेलुगू रिमेक आहे. रिपोर्ट्सनुसार या चित्रपटाचं बजेट ९० कोटी रुपये एवढं आहे. या चित्रपटातील सलमान खानच्या अभिनयला प्रेक्षकांची चांगली पसंती मिळताना दिसत आहे. सलमान खानच्या कामाबद्दल बोलायचं तर तो सध्या त्याचा आगामी चित्रपट ‘किसी का भाई किसी की जान’मुळे चर्चेत आहे.