Jaan Kumar Sanu slams Kunicka Sadanand: अभिनेत्री कुनिका सदानंद सध्या सलमान खानच्या लोकप्रिय टीव्ही रिअॅलिटी शो बिग बॉसच्या १९ व्या सीझनमध्ये स्पर्धक म्हणून दिसत आहे. कुनिका बिग बॉसच्या घरात गेल्यानंतर तिच्या काही वक्तव्यांची जोरदार चर्चा होत आहे. तिने काही मुलाखती दिल्या होत्या, ज्यात स्वतःच्या अफेअरबद्दल आणि सिनेइंडस्ट्रीबद्दल वक्तव्ये केली होती. तिच्या या वक्तव्यांनी सर्वांचे लक्ष वेधून घेतले आहे.
कुनिका सदानंद व कुमार सानू यांचं अफेअर होतं. कुनिकाने स्वतः तिच्या अफेअरबद्दल सांगितलं होतं. तसेच बॉलीवूडमध्ये अभिनेत्रींवर बलात्कार होत नाहीत, कारण अभिनेत्री स्वतः निर्माते-दिग्दर्शकाला तसे संकेत देतात. तिच्या या विधानांवरून तिच्यावर टीका होत आहे, याच दरम्यान कुमार सानूचा मुलगा जान कुमार सानूने कुनिकाचा खरपूस समाचार घेतला आहे.
कुनिका सदानंद काय म्हणाली होती?
एका मुलाखतीत कुनिका म्हणाली, “मला वाटतं की आपल्या चित्रपटसृष्टीत बलात्कार होत नाही, कारण मुलीकडून तसे संकेत मिळतात. समजा मी तुमच्याकडे कामासाठी आले आणि म्हणाले, ‘हॅलो सर, मला तुमच्याबरोबर काम करायचे आहे, जर चांगली भूमिका असेल तर मला सांगा’. ही एक सामान्य गोष्ट आहे.” आता काम मागण्याची दुसरी पद्धत काय आहे? याबद्दल कुनिका म्हणाली, “जेव्हा ती मुलगी विचित्र हावभाव करू लागते.”
कुमार सानूच्या मुलाची प्रतिक्रिया
या व्हायरल व्हिडीओवर कुमार सानूचा मुलगा जान कुमार सानू भडकला. त्याने लिहिलं, “तिने स्वतःच्या संपूर्ण करिअरमध्ये हेच केलंय, तेही विवाहित पुरुषांबरोबर. ज्यांना ती स्पर्श करू शकत होती, अशा सर्वांबरोबर. माझं तोंड उघडायला लावू नका, नाहीतर अनेक गुपितं उघड होतील.” एनडीटीव्हीने हे वृत्त दिलंय.
कुनिका सदानंदने दावा केला की ती व कुमार सानू सहा वर्षे रिलेशनशिपमध्ये होते. कुमार सानू विवाहित असताना दोघांचं अफेअर होतं. तसेच एका विवाहित दिग्दर्शकाच्या प्रेमात पडली होती, परंतु तरीही कामासाठी कधीही तडजोड केली नाही, असंही कुनिकाने एका मुलाखतीत म्हटलं होतं.
