काजोलचा बहुप्रतीक्षित ‘माँ’ चित्रपट ‘या’ दिवशी येणार प्रेक्षकांचा भेटीला, अभिनेत्रीच्या जबरदस्त लूकने वेधलं लक्ष, पोस्टर पाहिलंत का?

या कलाकारांच्या यादीत आता एका अभिनेत्रीचं नाव सामील होणार आहे, ती म्हणजे काजोल. काजोलचा आगामी चित्रपट ‘माँ’ हा सध्या चांगलाच चर्चेत आहे. काजोलने सोशल मीडियावर रक्षक आणि भक्षक या थीमसह चित्रपटाच्या पहिल्या पोस्टरची झलक शेअर केल्यापासून चाहत्यांमध्ये या अनोख्या हॉरर-थ्रिलर चित्रपटाबद्दल उत्सुकता निर्माण झाली आहे.

काजोलचा ‘माँ’ हा चित्रपट हिंदी, तमिळ, तेलुगू आणि बंगाली भाषेत प्रदर्शित होणार आहे. उद्या २९ मे रोजी या चित्रपटाचा ट्रेलर प्रेक्षकांचा भेटीला येणार असून यानिमित्ताने काजोलने तिच्या सोशल मीडियावर या चित्रपटाचं एक नवं पोस्टर शेअर केलं आहे. या पोस्टरमध्ये काजोल अगदी लढाऊ वृत्तीने लढण्यासाठी खंबीर उभी आहे. तर तिच्यामागे काली ‘माँ’ देवी असल्याची पाहायला मिळत आहे.

View this post on Instagram

A post shared by Kajol Devgan (@kajol)

‘माँ’ या चित्रपटापूर्वी काजोल अनेक महिलाप्रधान चित्रपटांमधून प्रेक्षकांच्या भेटीला आली आहे. अशातच तिचा ‘माँ’ चित्रपटदेखील महिला प्रधान असून यातील तिची भूमिका लक्षवेधक असल्याचं दिसत आहे. याआधी काजोलने ‘दो पत्ती’ आणि ‘दुश्मन’ सारख्या महिलाप्रधान चित्रपटांमधून आपल्या अभिनयाने प्रेक्षकांचे लक्ष वेधून घेतलं आहे. त्यामुळे आता काजोलच्या ‘माँ’ चित्रपटासाठीही प्रेक्षक उत्सुक आहेत.

दरम्यान, विशाल फुरिया दिग्दर्शित ‘माँ’ येत्या २७ जून रोजी प्रेक्षकांच्या भेटीला येणार आहे. अजय देवगण आणि ज्योती देशपांडे हे या चित्रपटाची निर्मिती करत आहेत. ‘माँ’ चित्रपटात काजोलसह रोनित रॉय, इंद्रनील सेनगुप्ता, जितिन गुलाटी, गोपाल सिंग, सूर्यशिखा दास, यानिया भारद्वाज, रूपकथा चक्रवर्ती आणि खेरिन शर्मा यांच्याही प्रमुख भूमिका आहेत.