Video: पतीवर झालेल्या हल्ल्याने करीना कपूर चिंतेत; घटनेनंतर घराबाहेरील पहिला व्हिडीओ आला समोर

Saif Ali Khan Attacked News : सैफ अली खानवर हल्ला झाल्यानंतर मध्यरात्रीचा घराबाहेरील व्हिडीओ

kareena Kapoor video last night from recidence after the incident

मध्यरात्री घटनेनंतर सैफच्या घराबाहेरील परिस्थिती (फोटो सौजन्य - व्हिडीओतून स्क्रीनशॉट)

बॉलीवूड अभिनेता सैफ अली खानवर राहत्या घरी मध्यरात्री दरोडेखोरांनी हल्ला केला. या हल्ल्यात सैफ गंभीर जखमी झाला आहे. सध्या त्याच्यावर लीलावती रुग्णालयात उपचार सुरू आहेत. घडलेल्या घटनेनंतर मनोरंजन विश्वात एकच खळबळ उडाली आहे. अशात सध्या सोशल मीडियावर घटनेनंतरचा सैफच्या घराबाहेरील एक व्हिडीओ समोर आला आहे.

दरोडेखोरांनी केलेल्या हल्ल्यात सैफ गंभीर जखमी झाल्याने त्याची पत्नी करीना कपूर खान मोठ्या चिंतेत आहे. या घटनेनंतर करीना आणि घरातील मदतनीस (मोलकरीण) दोघीही घराबाहेर आल्या होत्या. तसेच जमलेल्या अन्य व्यक्तींना याची माहिती सांगत होत्या. घटनेनंतर घराबाहेरील परिस्थितीचा व्हिडीओ समोर आला आहे. विरल भयानी या इन्स्टाग्राम अकाउंटवर हा व्हिडीओ शेअर करण्यात आला आहे.

हेही वाचा : हल्लेखोराला ओळखत होती सैफ अली खानची मदतनीस, पोलिसांना संशय; दोन तासांच्या CCTV फुटेजमध्ये…

व्हिडीओमध्ये करीना अस्वस्थ होऊन घराबाहेर फेऱ्या मारताना दिसत आहे. तसेच अन्य व्यक्तींशी संवाद साधत आहे. यावेळी तिने गुलाबी रंगाचे टी-शर्ट आणि सफेद रंगाची पँट घातली आहे. हा व्हिडीओ समोर आल्यावर नेटकऱ्यांनीदेखील यावर अनेक कमेंट केल्या आहेत. सैफ आणि करीनाच्या चाहत्यांनी दोघांविषयी काळजी व्यक्त केली आहे.

नेमकं काय घडलं?

‘इंडिया टुडे’ने दिलेल्या वृत्तानुसार, वांद्रे येथील सैफच्या राहत्या घरी ही घटना घडली. दरोडेखोरांनी थेट घरात प्रवेश केला, त्यावेळी घरात करीना, तैमुर आणि जेहदेखील होते. या चोरांची मदतनीस (मोलकरीण) बरोबर भांडणं झाली, तिने आरडाओरडा केला, त्यावेळी सैफ तेथे पोहचला. आपल्या कुटुंबाचं रक्षण करण्यासाठी त्याने चोरांशी दोन हात केले. यावेळी त्याच्यावर चाकूने हल्ला झाला. या हल्ल्यात सैफच्या मानेला गंभीर दुखापत झाली आहे.

View this post on Instagram

A post shared by Viral Bhayani (@viralbhayani)

दरम्यान, या घटनेनंतर बॉलीवूडसह दाक्षिणात्य सिनेविश्वातील कलाकारांनी यावर प्रतिक्रिया दिल्या आहेत. तसेच राजकीय वर्तुळातही या घटनेमुळे खळबळ उडाली आहे. आमदार जितेंद्र आव्हाड, खासदार संजय राऊत, आमदार रोहित पवार यांनीही यावर प्रतिक्रिया दिली आहे. त्यासह दाक्षिणात्य अभिनेता ज्युनिअर एनटीआरनेही पोस्ट शेअर करत सैफबद्दल काळजी व्यक्त केली आहे.

हेही वाचा : Saif Ali khan Attack : सैफ अली खानवर चाकू हल्ला, प्रियांका चतुर्वेदी म्हणतात, “वांद्रे येथील सेलिब्रिटी आणि….”

This quiz is AI-generated and for edutainment purposes only.

सदर घटनेनंतर पोलिसांत याबाबत तक्रार दाखल करण्यात आली आहे. पोलिसांना ही माहिती मिळताच त्यांनी तातडीने सैफच्या घरी धाव घेतली तसेच तपासाला वेगाने सुरुवात केली आहे. एन्काउंटर स्पेशालिस्ट दया नायक यांना ही माहिती समजताच तेही घटनास्थळी पोहोचले आहेत. विरल भयानी या इन्स्टाग्राम अकाउंटवर त्यांचाही व्हिडीओ पोस्ट करण्यात आला आहे.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kareena kapoor is worried after attack on husband saif ali khan last night video viral rsj