Video : “परिणीती भाभी जिंदाबाद”! राघव चड्ढाबरोबर IPLचा सामना पाहण्यासाठी परिणीती मैदानात, चाहत्यांनी दिल्या घोषणा

हेही वाचा – “आम्ही एकत्र आंघोळ करायचो, कारण…”; अश्नीर ग्रोव्हरच्या पत्नीचा खुलासा

मुंबई इंडियन्स आणि पंजाब किंग्ज यांच्या दरम्यानचा आयपीएल सामना पाहण्यासाठी पंजाब क्रिकेट असोसिएशन मोहालीत पोहोचलेल्या राघव चड्ढा आणि परिणीती चोप्रा यांचे फोटो व व्हिडीओ व्हायरल होत आहेत. दोघांचे अनेक फोटो समोर आले आहेत, पण व्हिडीओ मात्र खूपच मजेदार दिसत आहे. या व्हिडीओमध्ये परिणीती आणि राघव स्टेडियममध्ये प्रेक्षकांमध्ये उभे असल्याचे दिसत आहे. या वेळी परिणीती चोप्राला पाहून चाहत्यांनी ‘परिणीती भाभी जिंदाबाद’च्या घोषणा दिल्या.

राघव चड्ढा आणि परिणीती चोप्राला ‘परिणीती भाभी जिंदाबाद’चे नारे ऐकून आपले हसू आवरता आले नाही. हे ऐकून परिणीतीने डोक्याला हात लावला. दोघांचाही हा व्हिडीओ खूप व्हायरल होत आहे.

दरम्यान, परिणीती व राघव १३ मे रोजी साखरपुडा करणार असून ऑक्टोबरमध्ये लग्नगाठ बांधतील अशी चर्चा आहे, पण त्यांनी याबद्दल अधिकृत भाष्य केलेलं नाही.