Video : साखरपुड्यापूर्वी परिणिती चोप्राचे घर सजलं, रोषणाई केल्याचा व्हिडीओ आला समोर

गेल्या काही दिवसांपासून परिणिती चोप्रा आणि राघव चड्ढा हे दोघेही रिलेशनशिपमध्ये असल्याच्या चर्चांना उधाण आले होते. पण या दोघांनीही त्यांच्या नात्यावर अधिकृतपणे शिक्कामोर्तब केला नव्हता. त्यातच आता परिणिती चोप्रा आणि राघव चड्ढा यांच्या साखरपुड्याची तारीख समोर आली आहे. येत्या १३ मे रोजी हे दोघेही साखरपुडा करणार असल्याचे बोललं जात आहे.
आणखी वाचा : परिणिती चोप्रा आणि राघव चड्ढा ‘या’ तारखेला करणार साखरपुडा, जय्यत तयारीला सुरुवात

यातच आता परिणितीच्या मुंबईतील घराचा एक व्हिडीओ समोर आला आहे. या व्हिडीओत तिच्या घराबाहेर रोषणाई केल्याचे पाहायला मिळत आहे. परिणिती राहत असलेल्या संपूर्ण घराला बाहेरुन रोषणाई केल्याचे दिसत आहे. या व्हिडीओत याची झलक पाहायला मिळत आहे. यावरुन अनेकांनी तिच्या साखरपुड्याची तयारी सुरु झाल्याचे म्हटले आहे.

परिणिती आणि राघव यांच्या साखरपुड्यासाठी १५० लोकांना आमंत्रण देण्यात आले आहे. या कार्यक्रमासाठी जवळचे मित्र आणि कुटुंबीय उपस्थित असणार आहे. त्यांच्या साखरपुडा समारंभात सकाळी सुखमणी साहिबचे पठण केले जाईल. त्यानंतर ते दोघेही एकमेकांच्या हातात अंगठी घालत साखरपुडा करतील. यानंतर छान डिनरचे आयोजन करण्यात आले आहे.

आणखी वाचा : प्रसिद्ध अभिनेत्री गौहर खान झाली आई, पोस्ट करत म्हणाली “आम्हाला आनंदाचा खरा अर्थ…”

परिणिती चोप्रा आणि राघव चड्ढा हे दोघे कधी लग्नबंधनात अडकणार याबद्दल कोणतीही माहिती समोर आलेली नाही. पण या वर्षाच्या अखेरीस हे दोघेही विवाहबंधनात अडकू शकतात, अशी चर्चा समोर येत आहे. मात्र अद्याप याबदद्ल कोणतीही माहिती समोर आलेली नाही.