“तुझ्या रिप्लायसाठी मी दोन लग्नं केलीत” म्हणणाऱ्या चाहत्याला शाहरुख खानचं उत्तर, म्हणाला, “तुला…”

“आस्क एसआरके” सेशनमध्ये शाहरुख खानने चाहत्यांना त्याला प्रश्न विचारण्यास सांगितलं होतं. चाहत्यांनी विचारलेल्या प्रश्नांची शाहरुख खानने उत्तरं दिली. त्याच्या चाहत्यांनी त्याला अनेक प्रकारचे प्रश्न विचारले होते. पण त्यापैकी एका चाहत्याच्या प्रश्नाने आणि शाहरुखने दिलेल्या उत्तराने लक्ष वेधून घेतलं आहे. “सर, तुमच्याकडून रिप्लाय मिळवण्यासाठी दोन लग्न केलेत, दोन्ही पत्नी प्रेग्नंट पण आहेत, आता तरी प्लिज रिप्लाय द्या,” असं त्या चाहत्याने विचारलं होतं. त्यावर शाहरुख म्हणाला, “आता तुझ्या दोन्ही पत्नीच तुला रिप्लाय देतील” असं उत्तर अभिनेत्याने दिलं.

दरम्यान, शाहरुख खान चार वर्षांनी ‘पठाण’ चित्रपटातून प्रेक्षकांच्या भेटीला येणार आहे. त्यापूर्वी तो रणबीर कपूरच्या ‘ब्रह्मास्त्र’ चित्रपटात वैज्ञानिकाच्या भूमिकेत दिसला होता. शाहरुखचे चाहते त्याला मोठ्या पडद्यावर पाहण्यास उत्सुक आहेत.