Video : आई अन् लेकीचा ‘जमाल कुडू’ गाण्यावर डान्स, रिद्धिमा कपूर साहनीबरोबर नीतू कपूर यांनी धरला ठेका; पाहा व्हिडीओ

‘अ‍ॅनिमल’ चित्रपटाच्या प्रदर्शनापासूनच ‘जमाल कूडू’ हे गाणं एक लोकप्रिय झालं. ‘अ‍ॅनिमल’ सिनेमात बॉबी देओलच्या दमदार एंट्रीसह या गाण्याने चाहत्यांच्या मनात ठसा उमटवला आहे. या गाण्याचा जोशपूर्ण ताल आणि आकर्षक हुक स्टेप्स आजही लोकांना वेड लावत आहे, ज्यामुळे सर्वत्र लोक हे स्टेप्स रिक्रिएट करण्याचा प्रयत्न करताना दिसतात. रिद्धिमा कपूर साहनी (Riddhima Kapoor Sahni) आणि नीतू कपूर (Neetu Kapoor) यांनी ‘जमाल कुडू’च्या स्टेप्स रिक्रिएट करीत डान्स केल्याने हा व्हिडीओ व्हायरल झाला आहे.

हेही वाचा…‘सिंघम अगेन’च्या दमदार स्टारकास्टवर एकटा कार्तिक आर्यन पडला भारी! ‘भुलै भुलैया ३’ने नवव्या दिवशी कमावले तब्बल…

रिद्धिमा कपूर साहनीने अलीकडेच तिच्या इन्स्टाग्रामवर एक व्हिडीओ शेअर केला, ज्यामध्ये ती आणि तिची आई नीतू कपूर ‘जमाल कूडू’ या गाण्यावर नाचताना दिसतात. या व्हिडीओत रिद्धिमा तिच्या डोक्यावर थाळी ठेवून नाचताना दिसत आहे; तर नीतूही तितक्याच उत्साहात तिला साथ देत आहेत. या व्हिडीओत रिद्धिमा चमकदार मरून रंगाच्या टॉपमध्ये, तर काळ्या लांब स्कर्टमध्ये दिसत आहे. तर, नीतू कपूर पांढऱ्या पोशाखात अप्रतिम दिसत आहेत. या पोस्टला रिद्धिमाने ‘माझ्या मम्मीबरोबर डान्स फ्लोअरवरच चांगले वाइब्स येतात’, अशी कॅप्शन दिली आहे.

हेही वाचा…आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

रिद्धिमा कपूर २००६ मध्ये व्यवसायिक भरत साहनीशी विवाहबंधनात अडकली. रिद्धिमा कपूर साहनी एक यशस्वी फॅशन डिझायनर आहे.अलीकडेच ती नेटफ्लिक्सवरील ‘फॅब्युलस लाइव्ह्ज ऑफ बॉलीवूड वाइव्ह्ज’ या सीरिजच्या तिसऱ्या सीझनमध्ये सहभागी झाली होती. त्यात तिच्यासह माहीप कपूर, नीलम कोठारी, भावना पांडे, सीमा सजदेह, शालिनी पासी व कल्याणी साहा चावला यांनी सहभाग घेतला होता.