बॉलीवूड अभिनेत्री सोनाक्षी सिन्हा नेहमी चर्चेत असते. सोनाक्षी कधी तिच्या चित्रपटांमुळे तर कधी तिच्या अफेअरच्या बातम्यांमुळे चर्चेत असते. दरम्यान, सोनाक्षीच्या चाहत्यांसाठी आणखी एक आनंदाची बातमी आहे. सोनाक्षीने मुंबईत नवीन घर घेतले आहे. या नव्या घराची किंमत करोडो रुपयांमध्ये असल्याचे सांगण्यात येत आहे.
हेही वाचा- “आपण सगळे ढोंगी…” सेक्सविषयी संभाषण न करणाऱ्या भारतीयांबद्दल अनुराग कश्यपचं वक्तव्य चर्चेत
सोनाक्षी सिन्हाने नवीन घर वांद्रे पश्चिम येथील रंग शारदा सभागृहाजवळ आहे. ४,२०० स्क्वेअर फूटमध्ये पसरलेल्या या घराची किंमत ११ कोटी रुपये आहे. वांद्राच्या केसी रोड जवळ असणाऱ्या इमारतीच्या २६ मजल्यावर सोनाक्षीचे नवे घर आहे. सोनाक्षीने यासाठी ५५ लाख रुपये मुद्रांक शुल्क भरले आहे. सोनाक्षीच्या या नवीन अपार्टमेंटचा लॉबी एरिया ३४८.४३ स्क्वेअर फूट आहे. यामध्ये नोकरांसाठी वेगळं शौचालय आणि एअर हँडलिंग युनिटसाठीही जागा आहे. तसेच १,६५३ चौरस फूटाची अतिरिक्त जागाही आहे. अपार्टमेंटमध्ये चार कार पार्किंग करता येतील एवढी मोकळी जागा आहे. सोनाक्षीच्या नव्या फ्लॅटच्या बाल्कनीतून मुंबईतील वांद्रे-वरळी सी-लिंक स्पष्टपणे दिसतो.
सोनाक्षी सिन्हाने यापूर्वी २०२१ मध्ये वांद्रे येथे 4BHK घर खरेदी केले होते. आता तिने आणखी एक नवीन घर घेतले आहे. त्याअगोदर सोनाक्षी तिच्या आई-वडिलांबरोबर त्यांच्या घरी राहत होती. शत्रुघ्न सिन्हा यांचे मुंबईत ‘रामायण’ नावाचे आलिशान घर आहे. शत्रुघ्न सिन्हा यांनी लग्नापूर्वी हे घर विकत घेतले होते. सोनाक्षी सिन्हा आणि तिचे भाऊ लव आणि कुश याच घरात वाढले. शत्रुघ्न सिन्हा त्यांच्या संपूर्ण कुटुंबासह या घरात राहतात.
सोनाक्षी सिन्हाच्या वर्क फ्रंटबद्दल बोलायचे तर, तिचा ‘डबल एक्सएल’ आणि ‘दहाड’ चित्रपट प्रदर्शित झाला होता. मात्र, या चित्रपटांनी बॉक्स ऑफिसवर म्हणावी तशी कामगिरी केली नव्हती. आता लवकच तिचा ‘बडे मियाँ-छोटे मियाँ’ चित्रपट प्रेक्षकांच्या भेटीला येणार आहे.
