“पाल जिवंत झाली तर…”, कान्स फेस्टिव्हलमधील लूकमुळे उर्वशी रौतेला ट्रोल, नेटकरी म्हणाले, “ऋषभ पंतचा अपघात…”

कान्स फेस्टिव्हलसाठी उर्वशीने गुलाबी रंगाचा डिझायनर गाऊन परिधान केला होता. बन हेअरस्टाइल व मेकअप असा ग्लॅमरस लूक उर्वशीने खास कान्ससाठी केला होता. याबरोबरच उर्वशीने गळ्यात मगरीचे डिझाइन असलेला नेकलेसही घातला होता. उर्वशीच्या या नेकलेसने चाहत्यांचं लक्ष वेधून घेतलं आहे. या हटके लूकवरुन उर्वशीला नेटकऱ्यांनी ट्रोल केलं आहे.

हेही वाचा>> The Kerala Story : ‘द केरला स्टोरी’ चित्रपटाची बॉक्स ऑफिसवर तगडी कमाई, १२ दिवसांत कमावले ‘इतके’ कोटी

उर्वशीने तिच्या इन्स्टाग्राम अकाऊंटवरुन कान्स फेस्टिव्हलमधील तिचे काही फोटो शेअर केले आहेत. या फोटोंवर कमेंट करत नेटकऱ्यांनी उर्वशीला लूकवरुन ट्रोल केलं आहे. “गळ्यातील पाल जिवंत झाली तर फोटोशूट सोडून पळून जाशील,” असं एकाने म्हटलं आहे. तर दुसऱ्याने “ऋषभ पंतने रात्री ३ वाजता व्हिडीओ कॉलवर साप बघितला, म्हणून त्याचा अपघात झाला असावा,” अशी कमेंट केली आहे.

हेही वाचा>> परिणीतीचा शाही थाट! साखरपुड्यात अभिनेत्रीने राघव चड्ढाला घातली ‘इतक्या’ किमतीची अंगठी

“मगर का घातली आहे?” अशी कमेंटही केली आहे. “तू खूप सुंदर आहेस. पण, गळ्यात पाल का अडकवली आहेस?” असंही एकाने म्हटलं आहे.

कान्स फेस्टिव्हलमधील उर्वशी रौतेलाचा हा लूक सोशल मीडियावर चर्चेत आहे. तिचे फोटो व व्हिडीओ व्हायरल होत आहेत.