इटलीत पहिली भेट, फ्लाइट चुकली अन्...; ऐश्वर्याशी ब्रेकअप झाल्यावर विवेक ओबेरॉयने मंत्र्यांच्या लेकीशी केलं लग्न, 'अशी' आहे लव्हस्टोरी...

ऐश्वर्या रायशी ब्रेकअप झाल्यावर विवेक ओबेरॉयने केलं अरेंज मॅरेज, लव्हस्टोरी आहे खूपच खास, पाहताक्षणी घातलेली लग्नाची मागणी...

vivek oberoi and priyanka alva love story did arranged marriage

विवेक ओबेरॉय व प्रियांका अल्वा यांची लव्हस्टोरी ( फोटो सौजन्य : लोकसत्ता ग्राफिक्स टीम )

Vivek Oberoi LoveStory : बॉलीवूडचा चॉकलेट बॉय म्हणून विवेक ओबेरॉयला ओळखलं जातं. राम गोपाल वर्माच्या ‘कंपनी’ चित्रपटातून विवेकने सिनेविश्वात आपलं पहिलं पाऊल ठेवलं होतं. यानंतर त्याने ‘साथिया’, ‘युवा’ अशा अनेक गाजलेल्या चित्रपटांमध्ये काम केलं. यादरम्यान विवेकचं वैयक्तिक आयुष्य सुद्धा तेवढंच चर्चेत आलं होतं. ऐश्वर्या रायबरोबरचं अफेअर, दोघांचा ब्रेकअप या गोष्टी चर्चेचा विषय झाल्या होत्या. याचा परिणाम विवेकच्या करिअरवर सुद्धा झाला. यानंतर अभिनेत्याने इंडस्ट्रीमधून बाहेर पडत बिझनेसमन म्हणून नवीन प्रवास सुरू केला. आज चित्रपटांपासून दूर असलेला विवेक कोट्यवधींचा मालक आहे. त्याच्या ४९ व्या वाढदिवसानिमित्त त्याची हटके लव्हस्टोरी जाणून घेऊयात…

विवेक ओबेरॉयने ‘ह्युमन्स ऑफ बॉम्बे’ला दिलेल्या मुलाखतीत त्याची लव्हस्टोरी सांगितली होती. विवेकची आई लग्नासाठी त्याच्या मागे लागली होती. मात्र, तो लग्नासाठी तयार नव्हता. अशातच विवेकला त्याच्या मावशीने प्रियांकाचं ( प्रियांका अल्वा- विवेकची पत्नी ) स्थळ आणलं. तिचा फोटो पाहून आणि आईच्या हट्टापायी विवेक प्रियांकाला भेटण्यास तयार झाला.

प्रियांकाला भेटण्यासाठी विवेक खास इटलीला गेला होता. फ्लॉरेन्समध्ये संध्याकाळच्या वेळी या दोघांची पहिली भेट झाली. विवेक सांगतो, “मी कॅफेमध्ये तिची वाट पाहत बसलो होतो. तेवढ्यात एक मुलगी माझ्या दिशेने चालत येऊ लागली. पायात अगदी फ्लॅट चप्पल, थोडे मोकळे केस, अजिबात मेकअप केलेला नव्हता. त्यामुळे मला असं वाटलं, ‘अरे वाह! असा आत्मविश्वास असला पाहिजे’ प्रियांका आली, माझ्यासमोर बसली आणि म्हणाली, ‘हाय मला माफ कर १० मिनिटं उशीर झाला.’ तिचा हा स्वभाव मला खूप भावला. त्यानंतर आम्ही गप्पा मारायला सुरुवात केली आणि आम्ही सलग २ तास एकमेकांशी बोलत होतो. वेळेचं भान राहिलं नाही आणि माझी परतीची फ्लाइट चुकली. त्यानंतर मी प्रियांकाला तिच्या कुटुंबीयांजवळ हॉटेलवर सोडलं, तेव्हा तिच्या घरच्यांना सुद्धा भेटलो. फ्लाइट चुकल्यामुळे कपडेही नव्हते…त्यामुळे दुसऱ्या दिवशी सकाळी उठून खरेदी केली आणि तिला भेटण्यासाठी पुन्हा गेलो होतो.”

हेही वाचा

अवघ्या १ महिन्यात बदलली ‘चला हवा येऊ द्या’ची वेळ! येत्या भागात होणार दिलीप प्रभावळकर यांचा सन्मान, पाहा प्रोमो…

दुसऱ्या दिवशी विवेक सकाळी बरोबर ११ वाजता पुन्हा प्रियांकाला भेटायला गेला होता. दोघंही लाँग ड्राइव्हला गेले आणि त्यावेळी विवेकने प्रियांकाला एक गोष्ट सांगितली होती ती म्हणजे, “बघ मला माहितीये की, तुला तुझ्या वैयक्तिक आयुष्यातील निर्णय घेण्याचा पूर्ण अधिकार आहे. पण, मी तुला एवढंच सांगेन की, मी आयुष्यात फक्त तुझ्याशी लग्न करेन बाकी कोणाशीच नाही. तू तुझा वेळ घे आणि मला सांग.”

प्रियांकाचा होकार आल्यावर दोघेही २०१० मध्ये लग्नबंधनात अडकले. २९ ऑक्टोबर २०१० मध्ये बंगळुरूमध्ये या दोघांचा विवाहसोहळा थाटामाटात पार पडला. विवेकची पत्नी प्रियांका अल्वा ही कर्नाटकचे माजी दिवंगत मंत्री जीवराज अल्वा यांची मुलगी आहे.

हेही वाचा

‘भावी सूनबाईंचं दर्शन झालं’, बांदेकरांच्या बाप्पाची आरती! Video मध्ये दिसली पूजा बिरारीची झलक, चाहते म्हणाले…

प्रियांका सामाजिक कार्यात सक्रिय असते. तिने अनेक NGO साठी काम केलेलं आहे. विवेक आणि प्रियांकाला विवान वीर आणि अमेया निर्वाण अशी दोन मुलं आहेत. सध्या विवेक संपूर्ण कुटुंबीयांसह दुबईत राहत आहे. ओबेरॉय कुटुंबीयांचं दुबईतील घर सुद्धा प्रियांकाने पुढाकार घेऊन डिझाईन केलेलं आहे.