छोट्या पडद्यावरील अतिशय लोकप्रिय शो म्हणजे 'कौन बनेगा करोडपती १२.' माहितीचा स्त्रोत म्हणून पाहिल्या जाणाऱ्या या शोचे सूत्रसंचालन बॉलिवूड अभिनेते अमिताभ बच्चन करत आहेत. या शोच्या माध्यमातून चाहत्यांना बिग बींना भेटण्याची संधी मिळत आहे. शोमध्ये बिग बी त्यांच्या आयुष्यातील काही रंजक किस्से सांगताना दिसतात. हॉट सीटवर बसलेला स्पर्धक आणि अमिताभ बच्चन यांच्यामध्ये देखील मजा मस्ती सुरु असते. केबीसीच्या एका भागामध्ये तर स्पर्धकाने चक्क बिग बींना त्याच्या मुलीचे नाव ठेवण्यास सांगितले. केबीसीमध्ये सनी खलास हे स्पर्धक म्हणून हॉट सीटवर बसले होते. त्यांनी फास्टेस्ट फिंगर फस्टमध्ये सर्वात लवकर प्रश्नांचे उत्तर दिले. त्यानंतर त्यांनी त्यांची ओळख करुन देताना पत्नी विषयी माहिती दिली. View this post on Instagram Miliye humare #FastestFingerFirst contestants se. Dekhiye inhein #KBC12 mein, Mon-Fri, 9 pm sirf Sony TV par. @amitabhbachchan @spnstudionext A post shared by Sony Entertainment Television (@sonytvofficial) on Nov 8, 2020 at 11:00pm PST शोमध्ये येण्याच्या एक दिवस आधी सनी आणि त्यांच्या पत्नीला कन्यारत्न झाले. त्यामुळे सनी हे अमिताभ यांना तिचे नाव ठेवण्याची विनंती करतात. त्यावर अमिताभ बच्चन यांनी सनी आणि त्यांच्या पत्नीला शुभेच्छा देत दिवाळीच्या आधी तुमच्या घरी लक्ष्मीचे आगमन झाले असे बोलतात. सनी यांच्या खेळाविषयी बोलायचे झाले तर त्यांनी ३ लाख २० हजार रुपयांच्या प्रश्नाचे योग्य उत्तर माहिती नसल्यामुळे गेम सोडण्याचा निर्णय घेतला. त्यांनी १ लाख ६० हजार रुपये जिंकले.
