बलात्काराचा बनाव रचणाऱ्या पुण्यातील ‘क्राईम पेट्रोल’ फेम अभिनेत्रीला बेड्या

पूजा जाधव (२४) ही माया भास्कर सावंत (५०) रवींद्र मोतीराम सिरसाम (५६) यांच्यासह अन्य तिघांच्या मदतीने श्रीमंत व्यक्तीला आपल्या जाळ्यात फसवायची. काही दिवसांपूर्वी पूजाने अशाच एका धनाढ्य व्यक्तीला आपल्या जाळ्यात अडकवले, त्याच्याशी लगट केले आणि नंतर त्या व्यक्तीला बलात्काराच्या आरोपाची धमकी देऊन पैसे उकळायला सुरुवात केली. ही व्यक्ती ठेकेदार असेल असा तिचा अंदाज होता, त्याच्याकडून अधिक पैसे उकळता येतील या हेतूनेच पूजाने त्याच्याकडे पाच लाखांची मागणी केली होती.

Priyanka Chopra: बॉलिवूडच्या देसी गर्लचा आजवरचा प्रवास

पैसे घेऊनदेखील पूजा पोलिसात बलात्काराचा गुन्हा दाखल करेल अशी धमकी सतत देत होती. आर्थिक तडजोड झाल्यानंतर त्या व्यक्तीला सोडून दुसऱ्याला जाळ्यात ओढायचे असेच ते करत आले होते. यासंदर्भात याआधीच्या गुन्ह्यांचाही तपास पोलिसांनी सुरु केला होता.
मात्र अडीच वर्षांपूर्वी भोसरी परिसरात अशाच पद्धतीने एका इंजिनियरला जाळ्यात अडकवत, पूजा आणि तिच्या साथीदारांनी त्याच्याकडून लाखो रुपये उकळले होते. तेव्हा त्यांना यश आले होते, मात्र त्यांचे दुर्दैव्य इतकेच की तेव्हा प्रकरण हाताळणारे भोसरी पोलीस स्टेशनचे तत्कालीन पोलीस निरीक्षक अजय भोसले यांनीच भोसरी पोलीस स्टेशनमध्ये आताचे प्रकरण हाताळले आणि या सर्वांचे बिंग फोडले गेले.

एकदा हा व्हिडिओ पाहाच, तुमचीही नजर तिच्यावरुन हटणार नाही

या प्रकरणी ८ जुलै रोजी पूजा विरोधात गुन्हा दाखल करण्यात आला आहे. विशेष म्हणजे पूजाने ‘क्राईम पेट्रोल’ या मालिकेत महिला पोलिसाची भूमिका केली असून ती आता चार महिन्याची गरोदर आहे. पोलिसांच्या विशेष कारवाईचे चित्रीकरण या मालिकेतून केले जाते आणि येथूनच तिला ही संकल्पना सुचल्याचा पोलिसांचा अंदाज आहे. भोसरी पोलिसांनी पूजा सह आणखी दोन जणांना ताब्यात घेतले आहे.

इंजिनियर, ठेकेदार, बांधकाम व्यावसायिक असे आर्थिक परिस्थितीने मजबूत असणाऱ्यांची माहिती ही टोळी जमा करायची आणि पूजा त्याला पूर्णत्वास न्यायची. अशा सात ते आठ व्यक्तींना या टोळीने आतापर्यंत फसवले आहे. भोसरी पोलिसांनी सध्या पूजा, माया आणि रवींद्र या तिघांना अटक केली आहे तर इतर तीन साथीदारांचा शोध ते घेत आहेत. पोलीस माहितीनुसार यामध्ये बड्या सामाजिक संस्था असण्याची शक्यता आहे. तसेच कोणी अशा प्रकारे पूजा आणि तिच्या टोळीला बळी पडले असेल तर त्यांनी समोर येऊन भोसरी पोलिसांत पूजासह तिच्या टोळी विरोधात गुन्हा दाखल करावा असे आवाहन पोलिसांनी केले आहे.