‘डिम्पल नाम सुन के सिंपल…’, देवमाणूसमधील डिम्पलचा ‘पुष्पा’ स्वॅग

अभिनेता किरण गायकवाडने सांगितलेला नक्की कुठला प्रसंग आहे? याची उत्सुकता प्रेक्षकांमध्ये आहे. अनेक तर्कवितर्क लावत असतानाच या मालिकेतील डिम्पल म्हणजेच अभिनेत्री अस्मिता देशमुख हिने देखील सोशल मीडियावर एक पोस्ट शेअर केला, ज्यात ती म्हणाली, “डिंपल या पात्राने नाव आणि ओळख मिळवून दिली.. प्रेक्षकांनी भरभरुन प्रेम दिले.. पण नुकताच मालिकेतला एक प्रसंग चित्रित करताना अंगावर काटा आला.. हा प्रसंग चित्रित करण्याआधी मी खूप घाबरले होते आणि नकारही दिला होता..पण दिग्दर्शक आणि सहकलाकारांनी प्रोत्साहन दिल्यानंतर हा प्रसंग चित्रित झाला” असं ती म्हणाली.

पुढे ती म्हणाली, ‘कलाकार म्हणून डिंपलची व्यक्तिरेखा निभावताना जितकी गंमत येते तितकाच कधी कधी त्रास ही होतो.. देवमाणूस ही अशी मालिका आहे जिथे कलाकाराचा खरा कस लागतो. अनेकजण भेटून सांगत होते की या सिझनला थोडी गंमत कमी वाटते तर त्या आमच्या प्रेक्षकांना मी आवर्जून सांगेन की खरा खेळ तर आत्ता सुरु होतोय.. या आठवड्यातले एपिसोड अजिबात मिस करु नका…’ पुढे तिने पुष्पा चित्रपटातील अल्लू अर्जुनचा डायलॉग तिच्या स्टाइलमध्ये लिहिला आहे. ‘डिंपल नाम सुन के सिंपल समझे क्या…सिंपल नहीं डेंजर है मैं..” असे तिने लिहिले आहे.