राष्ट्रीय पुरस्कार विजेते सुप्रसिद्ध गायक राहुल देशपांडे सोशल मीडियावर कायमच सक्रीय असतात. ते नेहमी त्यांच्या व्यावसायिक व वैयक्तिक आयुष्यात काय नवीन सुरू आहे याची माहिती चाहत्यांबरोबर शेअर करत असतात. त्यांच्या सोशल मीडियावरील पोस्टला नेटकऱ्यांचा चांगला प्रतिसादही मिळत असतो. पण नुकत्याच त्यांनी केलेल्या लाल सिंग चढ्ढा चित्रपटाबद्दलच्या एका पोस्टमुळे त्यांना ट्रोलिंगचा चहूबाजूने सामना करावा लागत आहे. या ट्रोलिंगवर राहुल देशपांडे यांनी सडेतोड उत्तर दिलं आहे.

राहुल देशपांडे यांनी नुकतीच लाल सिंग चड्ढा या चित्रपटाच्या प्रीमियरला हजेरी लावली. हा चित्रपट पाहिल्यावर त्यांनी एक वक्तव्य केले होते. मात्र त्यांच्या या वक्तव्याचा विपर्यास करण्यात आला. यामुळे त्यांना ट्रोलिंगचा सामना करावा लागला. या पोस्टवर अनेक नेटकऱ्यांनी कमेंट्स केल्या. त्या कमेंट्स पाहून त्यांनी काही वेळाने आणखी एक पोस्ट शेअर करत यावर स्पष्टीकरण दिले आहे.

salman khan
आनंद दिघे यांच्याकडून हिंदुत्वाचे नाही तर संपूर्ण समाजाचे रक्षण- एकनाथ शिंदे
arvind kejriwal low calorie diet allegation by delhi lg
Arvind Kejriwal : “अरविंद केजरीवाल जाणीवपूर्वक…”, तुरुंगातील आहारावरून नायब राज्यपाल वी.के. सक्सेना यांचा गंभीर आरोप!
Zombivli, Sonakshi Sinha, sonakshi sinha new movie,
सोनाक्षी सिन्हाला ‘झोंबिवली’ आवडतो तेव्हा…
Director Sukathankar, audience,
आता रडकेपणाने मराठी चित्रपटांविषयी चर्चा करणार की… दिग्दर्शक सुकथनकर यांच्या प्रेक्षकांना कानपिचक्या
Pravin Kumar Mohre protest
मुंबईतील शिवाजी पार्क परिसरात खळबळ, झाडावर चढून चित्रपट निर्मात्याचं आंदोलन
Nita Ambani Cries Hugging Rohit Sharma Video
नीता अंबानी रोहित शर्माला मिठी मारून रडल्या, तर सूर्याला.. राधिका- अनंतच्या संगीत सोहळ्यातील नवा Video पाहिलात का?
What Eknath Shinde Said?
मुख्यमंत्री एकनाथ शिंदे ‘धर्मवीर २’ चित्रपटात दिसणार? पोस्टर लाँचच्या वेळी सचिन पिळगावकरांच्या ‘त्या’ वक्तव्याची चर्चा
Tomb of Sand writerGeetanjali Shree
मातृभाषेत पुस्तक लिहून कमावले ‘आंतरराष्ट्रीय बुकर पारितोषिक!’ पाहा कसा होता गीतांजली श्री यांचा प्रवास….

हेही वाचा : आर. माधवनने रचला नवा विक्रम, सलमान खान, शाहरुख खान यांनाही टाकले मागे

राहुल देशपांडे काय म्हणाले?

“नमस्कार रसिक मित्रहो !! लाल सिंग चढ्ढा ह्या चित्रपटाच्या प्रिमियरच्या वेळेस मी व्यक्त केलेल्या विधानातून पूर्णतः अनपेक्षित संदेश जातोय, असं मला वाटतंय. त्या प्रिमीयरसाठी एक निमंत्रित कलाकार म्हणून, मी त्या चित्रपटासाठी परिश्रम घेतलेल्या पडद्यावरील व पडद्यामागील सर्वांविषयी सद्भावना व्यक्त केल्या. ह्याचा अर्थ चित्रपटातील कलाकारांनी ह्यापूर्वी केलेल्या कुठल्याही कृतीचे वा त्यांनी मांडलेल्या विचारांचे मी समर्थन करतो असे मुळीच नाही.”

“आपणां सर्वांइतकीच भारतीयत्वाची भावना माझ्या मनांतही प्रबळ आहे व मला त्याचा सार्थ अभिमान आहे. म्हणूनच माझ्या विधानाचा विपर्यास करून घेऊ नये, अशी आपणां सर्वांकडे नम्र विनंती ! लोभ आहेच. वृद्धिंगत व्हावा !!” असे त्यांनी यात म्हटले आहे.

आणखी वाचा : ‘मी वसंतराव’चा प्रवास खूप काही शिकविणारा – राहुल देशपांडे यांची भावना

दरम्यान लाल सिंग चढ्ढा हा चित्रपट नुकताच प्रदर्शित झाला आहे. या चित्रपटाच्या प्रीमियर शोला राहुल देशपांडे यांनाही आमंत्रित केले गेले होते. हा चित्रपट पाहिल्यावर त्यांनी एक फोटो शेअर केला होता. त्यात राहुल देशपांडे, त्यांची पत्नी व आमिर खान दिसत आहेत. हा फोटो शेअर करत त्यांनी चित्रपटाचे आणि चित्रपटातील कलाकारांच्या कामाचे कौतुक केले. पण लालसिंग चढ्ढा या चित्रपटाला विरोध होत असल्याने राहुल देशपांडे यांनी चित्रपटाचे केलेले कौतुक नेटकऱ्यांना खटकले. त्यानंतर राहुल देशपांडे यांना ट्रोलिंगला सामोरे जावे लागत आहे.