Final Destination Bloodlines OTT Release Date : ‘फायनल डेस्टिनेशन’ ही चित्रपटसृष्टीतील अशी एक अलौकिक भयपट फ्रँचायझी आहे, जी २५ वर्षांपासून चाहत्यांच्या हृदयावर आणि मनावर राज्य करत आहे. फ्रँचायझीमधील पहिला चित्रपट २००० मध्ये प्रदर्शित झाला. मे २०२५ मध्ये सीरिजमधील सहावा चित्रपट, ‘फायनल डेस्टिनेशन: ब्लडलाईन्स’ हॉरर चित्रपट थिएटरमध्ये प्रदर्शित झाला. आता हा चित्रपट ओटीटीवर प्रदर्शित होत आहे.
‘फायनल डेस्टिनेशन: ब्लडलाईन्स’चे दिग्दर्शन जॅक लिपोव्स्की आणि अॅडम स्टीन यांनी केले आहे. पटकथा गाय बुसिक आणि लोरी इव्हान्स-टेलर यांनी लिहिली आहे. कथा जॉन वॉट्स, बुसिक आणि इव्हान्स-टेलर यांनी लिहिली आहे. फ्रँचायझीमधील सहाव्या भागाचे बजेट अंदाजे ४४३ कोटी आहे. भारतात चित्रपटाने ७६ कोटी कमावले.
‘फायनल डेस्टिनेशन: ब्लडलाईन्स’ ओटीटीवर कधी होणार प्रदर्शित?
ओटीटी प्लॅटफॉर्म जिओ हॉटस्टारने इन्स्टाग्रामवर चित्रपटाच्या डिजिटल स्ट्रीमिंगची घोषणा केली. चित्रपटाचे पोस्टर शेअर करताना असे म्हटले आहे की, ‘फायनल डेस्टिनेशन: ब्लडलाइन्स’ १६ ऑक्टोबर रोजी प्रदर्शित होईल. तुम्ही ते जिओ हॉटस्टारवर इंग्रजी, हिंदी, तमिळ आणि तेलुगूमध्ये पाहू शकता. जर तुम्ही हॉरर चित्रपटांचे चाहते असाल तर तुम्ही हा चित्रपट जरूर पाहावा.
‘फायनल डेस्टिनेशन: ब्लडलाईन्स’ बॉक्स ऑफिस कलेक्शन
‘फायनल डेस्टिनेशन: ब्लडलाईन्स’ या चित्रपटाने जगभरात ३१३ दशलक्ष कमाई केली, जो आतापर्यंत फ्रँचायझीचा सर्वाधिक कमाई करणारा चित्रपट आहे. भारतात या चित्रपटाने ४.५ कोटींची चांगली सुरुवात केली आणि एकूण ७६ कोटींचा टप्पा ओलांडला.
‘फायनल डेस्टिनेशन: ब्लडलाईन्स’च्या कलाकारांबद्दल बोलायचे झाले तर केटलिन सांता जुआना, टियो ब्रायोनेस, रिचर्ड हार्मन, ओवेन पॅट्रिक जॉयनर, रिया किहल्स्टेड, ब्रेक बॅसिंगर हे कलाकार मुख्य भूमिकेत दिसले आहेत.
