‘ये इश्क नही आसान’ असं म्हणतात. प्रेम ही अशी एक भावना आहे, जी सर्वांच्याच मनात उपजते. आयुष्यात प्रत्येकजण कोणाच्या ना कोणाच्या तरी प्रेमात पडतोच. अशक्य असलेल्या गोष्टी शक्य करून दाखवण्याची ताकद प्रेमात असते, हेच दाखवून देणारा सत्य घटनेवर आधारित ‘फ्लिकर’ हा चित्रपट प्रेमाची खरी अनुभूती देण्यासाठी लवकरच प्रेक्षकांच्या भेटीला येणार आहे.
‘फ्लिकर’ चित्रपटाच्या माध्यमातून राजवीर सरकार तन्वी किशोर ही नवी जोडी प्रेक्षकांच्या भेटीला येणार आहे. या दोघांसोबत सयाजी शिंदे, संजय मोने, समीर चौघुले, शुभांगी लाटकर, पूजा पवार, अरुण कदम, गौरव रोकडे, मनिषा केळकर, मौसमी तोंडवळकर, पूर्णिमा अहिरे, सायली जाधव, प्रतीक्षा शिर्के, किशोर नांदलस्कर यांच्या महत्त्वपूर्ण भूमिका चित्रपटात आहेत.
आशयपूर्ण कथा आणि त्याचं तेवढंच आकर्षक शीर्षक हे कुठल्याही चित्रपटासाठी अत्यंत महत्त्वाचं. अनोख्या शीर्षकांच्या चित्रपटांसाठी मराठीसृष्टी ओळखली जाते. असचं हटके टायटल आणि प्रेमाचा हळूवार अनुबंध उलगडून दाखविणारा ‘फ्लिकर’ प्रेक्षकांच्या भेटीला येतोय. मणीगंडन मंजुनाथन प्रस्तुत आणि ‘राजसरकार फिल्म्स’ व ‘पोस्टमन फिल्म्स’ निर्मित या चित्रपटातून प्रेमाचा खरा अर्थ दाखवतानाच नात्याचा परामर्श घेतला जाणार आहे. नुसरत शानुर मुजावर, मणीगंडन मंजुनाथन, प्रेमराणी मंजुनाथन यांनी निर्मीतीची जबाबदारी सांभाळली असून सहनिर्मिती राहुल पाटील यांची आहे. अमोल पाडावे यांनी या चित्रपटाचे लेखन दिग्दर्शन केले आहे. ‘फ्लिकर’ची प्रेमकहाणी प्रेक्षकांसाठी पर्वणी ठरणार आहे
