‘ग्रॅमी’तही पोहोचलं शेतकरी आंदोलन; अजून एका सेलिब्रिटीने दर्शवला पाठिंबा

युट्यूबर लिली सिंग काल ग्रॅमी अवॉर्ड सोहळ्यात गेली होती. तिथला तिने एक फोटो शेअर केला आहे. या फोटोमध्ये तिने मास्क परिधान केला आहे आणि या मास्कवर ‘I stand with farmers’ असा मजकूरही लिहिलेला आहे. लॉस एंजेलिसमधल्या ग्रॅमी अवॉर्ड सोहळ्यासाठी तिने हजेरी लावली आणि रेड कार्पेटवरचा अश्या पद्धतीचा मजकूर लिहिलेला मास्क परिधान केलेले फोटोज शेअर केले. यावेली तिने काळ्या रंगाचा सूट परिधान केला होता.

I know red carpet/award show pictures always get the most coverage, so here you go media. Feel free to run with it #IStandWithFarmers #GRAMMYs pic.twitter.com/hTM0zpXoIT

— Lilly // #LateWithLilly (@Lilly) March 15, 2021

या फोटोवर तिने एक लक्षवेधी कॅप्शनही दिलेलं आहे. ती म्हणते, मला माहित आहे की रेड कार्पेट किंवा अवॉर्ड शोजमधल्या वेशभूषेला सर्वात जास्त कव्हरेज मिळतं. त्यामुळे माध्यमांनो, हे पाहा. मोकळेपणाने हेही दाखवा. अशा आशयाचं कॅप्शन देऊन तिने #IStandWithFarmers म्हणत शेतकरी आंदोलनाला आपला पाठिंबा दर्शवला आहे.

why aren’t we talking about this?! #FarmersProtest https://t.co/obmIlXhK9S

— Rihanna (@rihanna) February 2, 2021

What in the human rights violations is going on?! They cut the internet around New Delhi?! #FarmersProtest pic.twitter.com/a5ml1P2ikU

— Mia K. (@miakhalifa) February 3, 2021

पोस्ट केल्यानंतर जवळपास एका तासातच लिलीची ही पोस्ट सोशल मीडियावर व्हायरल होऊ लागली आहे. काही दिवसांपूर्वी आंतरराष्ट्रीय गायिका रिहाना, पॉर्नस्टार मिया खलिफा आणि पर्यावरणवादी कार्यकर्ती ग्रेटा थनबर्ग यांनीही आपल्या ट्विट्सच्या माध्यमातून भारतातल्या शेतकरी आंदोलनाला पाठिंबा दर्शवला होता.
मुख्यतः पंजाब, हरियाणा, उत्तर प्रदेशमधील हजारो शेतकरी सिंघू, टिकरी आणि गाझीपूर अशा दिल्लीच्या सीमांवर एकत्र येऊन नव्या कृषी कायद्यांविरोधात आंदोलन करत आहेत.