बहुप्रतिक्षीत 'हाऊसफुल-३' या आगामी चित्रपटात अभिनेत्री जॅकलीन फर्नांडीस एका गाण्यात टॅप डान्स करताना दिसणार आहे. चित्रपटात 'टांग उठाके' नावाच्या गाण्यात जॅकलीन टॅप डान्स करणार असून, गाण्याचे नृत्य दिग्दर्शन गणेश आचार्य यांनी केले आहे. लवकरच हे गाणे प्रदर्शित होणार आहे. 'टांग उठाके' गाण्यात मी टॅप डान्स करताना खूप मजा केलीय, टॅप डान्स करण्याची ही माझी पहिलीच वेळ आहे. गाण्याचे चित्रीकरण होत असतानाच अचानक गणेश आचार्य यांनी मला टॅप डान्स करायचा असल्याचे सांगितले आणि काही स्टेप्स सांगितल्या. त्या करताना मला खूप आनंद झाला, असे जॅकलीन म्हणाली. साजीद फरहाद दिग्दर्शित हाऊसफुल-३ चित्रपटात अक्षय कुमार, रितेश देशमुख, अभिषेक बच्चन, जॅकलीन, नर्गिस आणि लिसा हेडन असा दमदार स्टारकास्ट असणार आहे. ३ जून रोजी हा चित्रपट प्रदर्शित होणार आहे.
