“त्याच्यासोबत राहण्यात….”, सिद्धार्थ मल्होत्रासोबतच्या अफेअरवर कियारा अडवाणीचा खुलासा

अभिनेता सिद्धार्थ मल्होत्रासोबतच्या रिलेशनशीपमुळे कियारा अडवाणी बरीच चर्चेत आलीय. त्यावर आता तिने मनमोकळेपणाने संवाद साधलाय.

kiara-advani-affair-with-siddharth-malhotra

‘फगली’ चित्रपटातून बॉलिवूडमध्ये डेब्यू करणारी अभिनेत्री कियारा अडवाणीने आपल्या अदाकारीने सर्वच प्रेक्षकांची मन जिंकली आहेत. ‘कबीर सिंह’, ‘गुड न्यूज’, ‘एमएस धोनी’ सारख्या सुपरहिट चित्रपटांतून कियाराने बॉलिवूडमध्ये आपली एक वेगळीच ओळख निर्माण केलीय. कियाराने बॉलिवूडमध्ये एकूण सात वर्षे पूर्ण केलीयेत. गेल्या अनेक दिवसांपासून कियारा तिचा कथित बॉयफ्रेंड सिद्धार्थ मल्होत्रासोबतच्या रिलेशनशीपमुळे बरीच चर्चेत आलीय. त्यावर आता तिने मनमोकळेपणाने संवाद साधलाय.

एका मुलाखतीच्या दरम्यान अभिनेत्री कियाराला सिद्धार्थ मल्होत्राबद्दल विचारण्यात आल्यानंतर ती म्हणाली, “सिद्धार्थने स्वतःला एक अभिनेता म्हणून सिद्ध केलंय. तो खूप वाचन करत असतो. प्रत्येक भूमिकेसाठी तो तयारी करणं पसंत करत असतो. तो जसा आहे तशीच मी सुद्धा. याच कारणामुळे आमचे विचार एकमेकांशी खूप जुळतात. एक मैत्रिण या नात्याने मी नक्की सांगेल की फिल्म इंड्स्ट्रीत तो माझा खूप जवळचा मित्र आहे. अशा व्यक्तींसोबत राहण्यात मला उत्साह वाटतो आणि त्यांचं माझ्या आजूबाजूला असणं मला आवडतं.”

यापुढे बोलताना कियारा म्हणाली, “मला वाटतं, एक मित्र म्हणूनही तो परिपूर्ण आहे आणि नेहमी त्याच्यासोबत राहण्यात मला आनंद आहे.”

 

View this post on Instagram

 

A post shared by KIARA (@kiaraaliaadvani)

अभिनेत्री कियारा अडवाणीचा ‘शेरशाह’ चित्रपट रिलीजसाठी सज्ज झालाय. कियारा या चित्रपटात विक्रम बत्राच्या गर्लफ्रेंड डिंपल चीमाची भूमिका साकारताना दिसणार आहे. कियाराने तिचा कथित बॉयफ्रेंड सिद्धार्थ मल्होत्रासोबत पहिल्यांदाच झळकणारेय. दोन्ही कलाकारांचे चाहते त्यांना एकत्र पाहण्यासाठी खूप उत्सुक आहेत.

अभिनेत्री कियाराच्या वर्कफ्रंट बद्दल बोलायचं झालं तर, कियाराकडे आगामी काळात अनेक मोठे चित्रपट आहेत. ती वरूण धवनसोबत ‘जुग जुग जिओ’ आणि कार्तिक आर्यनसोबत ‘भूल भुलैया 2’ मध्ये दिसणार आहे. राम चरण यांच्यासोबत पॅन इंडिया फिल्म ‘आरसी 15’ची नुकतीच घोषणा करण्यात आली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kiara advani revealed about the affair with siddharth malhotra prp

Next Story
चित्रगीत : सॅक्रेड चॅण्टस ऑफ शक्ती
ताज्या बातम्या