scorecardresearch

मलायका अरोरा – अरबाज खान पुन्हा येणार एकत्र ? फोटो आणि व्हिडीओ सोशल मीडियावर व्हायरल

त्यांचे काही व्हिडिओ आणि फोटो सोशल मीडियावर व्हायरल होत आहेत. मलायका आणि अरबाजचे अरहानसोबतचे हे व्हिडिओ सध्या चर्चेत आले आहेत.

मलायका अरोरा – अरबाज खान पुन्हा येणार एकत्र ? फोटो आणि व्हिडीओ सोशल मीडियावर व्हायरल

बॉलिवूडमधील नेहमी चर्चेत असलेल्या जोडप्यांपैकी एक जोडी म्हणजे अभिनेत्री मलायका अरोरा आणि अभिनेता अर्जुन कपूर. हे दोघे गेली अनेक वर्ष एकमेकांना डेट करत आहेत. याशिवाय अनेक ठिकाणी मलायका आणि अर्जुन एकत्र दिसतात. परंतु आता मलायका अर्जुनला सोडून पुन्हा अरबाज खानकडे परतणार का? असा प्रश्न नेटकऱ्यांना पडला आहे. याचे कारणही तसेच खास आहे. मलायका अरोरा आणि अरबाझ खान नुकतेच एकत्र दिसले होते. दोघेही विमानतळावर एकत्र दिसले. मलायका आणि अरबाझ त्यांचा मुलगा अरहान खानला सोडण्यासाठी मुंबई विमानतळावर पोहोचले होते. यावेळचे त्यांचे काही व्हिडिओ आणि फोटो सोशल मीडियावर व्हायरल होत आहेत. मलायका आणि अरबाजचे अरहानसोबतचे हे व्हिडिओ सध्या चर्चेत आले आहेत.

हेही वाचा : “या परिस्थितीला बॉलिवूड कलाकारच जबाबदार…” अभिनेते मुकेश खन्ना यांनी घेतला कलाकारांचा समाचार

मलायका अरोरा आणि अरबाज खानचा मुलगा अरहान सध्या उच्च शिक्षणासाठी अमेरिकेत असून तो चित्रपट निर्मितीशी संबंधित शिक्षण घेत असल्याची माहिती समोर आली आहे. मलायका आणि अरबाझ दोघेही २०१७ साली एकमेकांपासून विभक्त झाले. परंतु ते नेहमीच त्यांच्या मुलासाठी एकत्र येताना दिसतात. मुलासाठी फॅमिली फंक्शनमध्ये सहभागी होण्याचा विषय असो किंवा सुट्टीवर जाण्याचा विषय असो, दोघांनीही मतभेद विसरून मुलासाठी एकमेकांना साथ दिली आहे. आता विमानतळावरील हा व्हिडिओ पाहून सोशल मीडिया यूजर्स अरहानसाठी कमेंट करताना दिसत आहेत.

एका युजरने ‘नाइस फॅमिली’ अशी कमेंट केली आहे, तर एकाने ‘मलायका मॅम पॅचअप करा, देवाने तुम्हाला एवढा चांगला मुलगा दिला आहे’, अशीही कमेंट केली आहे. अरहानसाठी एका युजरने कमेंट करत म्हटले आहे की, ‘या मुलांचे आयुष्य काय असते, पालक असूनही नाही. आपण अशी कल्पनाही करू शकत नाही’, आणखी एक युजर म्हणतो आहे की, ‘हा मुलगा या परिस्थितीला कसे सामोरे जातोय?’. एकाने कमेंट केली आहे की, ‘आई वडिलांचा घटस्फोट झाल्याने तो किती नैराश्य अनुभवत असेल याचा विचार येतो. आपण विभागले गेलो आहोत असंही कदाचित त्याला वाटत असेल. दिसताना सर्व चांगलं दिसत आहे, पण शांती नाही. कारण मुलाला आई आणि बाबा दोघांसोबत राहायचे असते.’

आणखी वाचा : “…तोपर्यंत मलायकाशी लग्न करणार नाही”; अर्जुन कपूरचा खुलासा

मलायका अरोरा आणि अरबाझ खान पुन्हा एकदा एकत्र यावेत अशी अपेक्षा नेटकरी करत आहेत. पण खरोखर तसे होणार का? हे येत्या काही काळात समोर येईल. दरम्यान, मलायका अर्जुन कपूरबरोबर रिलेशनशिपमध्ये असून अरबाज खान जॉर्जिया अँड्रियानीला डेट करत आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Malaika arora and arbaaz khan are going to patchup photos and videos got viral on social media rnv

ताज्या बातम्या