Video : शाहरुख खानच्या घरात डिलिव्हरी बॉय म्हणून घुसण्याचा केला प्रयत्न; पण घडलं असं काही की…; व्हिडीओ होतोय व्हायरल

व्हिडीओच्या सुरुवातीला शुभम ‘मन्नत’च्या बाहेर उभा राहून म्हणतो की त्याला शाहरुख खानला भेटायचे आहे. सुरक्षा रक्षक त्याला आत येऊ देत नाही. मग तो एक योजना आखतो तो ऑनलाइन दोन कोल्ड कॉफी ऑर्डर करतो, एक स्वतःसाठी आणि एक ‘किंग खान’च्या नावाने. ऑर्डर आल्यावर शुभम खऱ्या डिलिव्हरी एजंटकडून बॅग घेतो आणि स्वतःला डिलिव्हरी बॉय म्हणवू लागतो. बॅग खांद्यावर टांगून तो आत्मविश्वासाने ‘मन्नत’च्या मुख्य गेटवर पोहोचतो आणि म्हणतो की तो कॉफी देण्यासाठी आला आहे.

गार्डची मजेदार प्रतिक्रिया

मुख्य गेटवर तैनात असलेल्या गार्डने त्याला थांबवले आणि मागच्या दाराने जाण्यास सांगितले. त्यानंतर शुभम तिथे पोहोचतो आणि सांगतो की शाहरुख नावाच्या व्यक्तीने जेवण ऑर्डर केले आहे. तो तिथे उपस्थित असलेल्या गार्डला तीच गोष्ट पुन्हा सांगतो. पण, जेव्हा गार्ड त्याला ऑर्डर देणाऱ्या व्यक्तीचा नंबर डायल करण्यास सांगतो आणि शुभम तसे करू शकत नाही, तेव्हा संपूर्ण योजना बिघडते. इथेच गार्डचे उत्तर इंटरनेटवर हिट झाले. एका वापरकर्त्याने हसत लिहिले – ‘जर शाहरुख खानने स्वतः फोन केला तर कॉफी विक्रेता नाचू लागेल.’

शुभमचा प्रयत्न अयशस्वी झाला असला तरी त्याचा व्हिडीओ सोशल मीडियावर व्हायरल झाला. अनेक वापरकर्त्यांनी त्याच्या सर्जनशीलतेचे कौतुक केले, तर अनेकजण गार्डच्या बुद्धिमत्तेमुळे आणि विनोदी शैलीने प्रभावित झाले. एका वापरकर्त्याने लिहिले, ‘बुद्धि तो पूरी लगाई भाई ने.’ गार्डच्या उत्तराचे अनेकांनी कौतुक केले.

शाहरुख खान त्याच्या पुढच्या मोठ्या प्रोजेक्ट ‘किंग’मुळे चर्चेत आहे. सिद्धार्थ आनंद दिग्दर्शित हा चित्रपट एक हाय अ‍ॅक्शन थ्रिलर असेल. विशेष म्हणजे या चित्रपटात त्याची मुलगी सुहाना खान पहिल्यांदाच तिच्या वडिलांबरोबर मोठ्या पडद्यावर दिसणार आहे. या चित्रपटात अभिषेक बच्चन आणि अर्शद वारसी देखील दमदार भूमिकेत दिसतील; तर दीपिका पदुकोण आणि राणी मुखर्जी यांच्या कॅमिओची चर्चा आहे. हा चित्रपट २०२६ च्या अखेरीस प्रदर्शित होण्याची शक्यता आहे.