आमिर खानचा होणारा जावई आहे ‘या’ मराठमोळ्या अभिनेत्रीचा फिटनेस ट्रेनर

आमिर खानचा जावई नुपूर शिखरे पेशाने फिटनेस ट्रेनर आणि डान्सर आहेत. Fitnessismची सुरुवात त्याने केली आहे. नुपूरला फिटनेस तज्ज्ञ आणि सल्लागार म्हणून ओळखले जाते. आमिर खान, आयराचा तो फिटनेस ट्रेनर होता. याशिवाय त्याने दशकभर तो सुष्मिता सेनला फिटनेस ट्रेनिंग दिलं आहे. असा हा लोकप्रिय फिटनेस ट्रेनर आणि आमिरचा जावई अभिनेत्री मिथिला पालकरचा देखील फिटनेस ट्रेनर आहे. याचा खुलासा मिथिलाने केलेल्या एका पोस्टमुळे झाला आहे.

हेही वाचा – “…नाहीतर बुक्कीत टेंगूळ”, ‘सहकुटुंब सहपरिवार’ फेम साक्षी गांधीची अमेय बर्वेसाठी खास पोस्ट, म्हणाली, “तुझं ज्ञान, तुझी बुद्धी…”

अभिनेत्री मिथिला पालकरने काही तासांपूर्वी इन्स्टाग्राम स्टोरीवर शेअर केली आहे. ज्यामध्ये मिथिला शीर्षासन करताना दिसत आहे. तसेच तिला शीर्षासन करताना नुपूर मदत करताना पाहायला मिळत आहे.

दरम्यान, गेल्या महिन्यात आयरा आणि नुपूरचा केळवणाचा कार्यक्रम झाला होता. या केळवणाचे व्हिडीओ आणि फोटो सोशल मीडियावर चांगलेच व्हायरल झाले होते. यावेळी अभिनेत्री मिथिला पालकर देखील उपस्थित होती. या केळवणाला आयराने नुपूरसाठी खास मराठीत उखाणा घेऊन त्याला घास भरवला होता. “मला मराठी येत नाही, पण पोपयसाठी मी कधी नाही म्हणत नाही,” असा उखाणा तिने होणाऱ्या नवऱ्यासाठी घेतला होता.