२८ एप्रिल रोजी ‘महाराष्ट्र शाहीर’ हा चित्रपट प्रेक्षकांच्या भेटीला येत आहे. या चित्रपटाच्या घोषणेपासूनच त्याकडे सर्वांचे लक्ष लागले आहे. शाहीर साबळे यांच्या जीवनावर आधारित हा चित्रपट आहे. या चित्रपटाचे दिग्दर्शन केदार शिंदे यांनी केले आहे.
या चित्रपटात अभिनेता अंकुश चौधरी याने प्रमुख भूमिका साकारली आहे. तर केदार शिंदे यांची लेक सना शिंदे या चित्रपटात महत्त्वपूर्ण भूमिका साकारत सिनेसृष्टीत पदार्पण करत आहे. या चित्रपटाच्या निमित्ताने दिग्दर्शक केदार शिंदे, अभिनेता अंकुश चौधरी आणि अभिनेत्री सना शिंदे यांनी ‘लोकसत्ता डिजिटल अड्डा’मध्ये हजेरी लावत चित्रपटाबद्दल मनसोक्त गप्पा मारल्या.
या चित्रपटाचा प्रवास कसा सुरू झाला, हा चित्रपट तयार करताना कोणती आव्हानं आली, या चित्रपटाच्या शूटिंग दरम्यानचे किस्से, याचबरोबर शाहीर साबळे यांच्या आठवणी या तिघांनी ‘लोकसत्ता डिजिटल अड्डा’मध्ये शेअर केल्या.
