प्रसिद्ध मॉडेल, अभिनेता मिलिंद सोमण कायमच चर्चेत असतो. कधी फिटनेससाठी तर कधी खासगी आयुष्यामुळे तो चर्चेत येत असतो. नव्व्दच्या दशकात त्याने आपल्या कारकिर्दीला सुरवात केली. आज ४ नोव्हेंबर रोजी त्याचा वाढदिवस असतो. त्यानिमित्ताने आज त्याला अनेकजण शुभेच्छा देत आहेत. दिग्दर्शक सचिन कुंडलकर यांनी आपल्या पोस्टमधून मिलिंदला शुभेच्छा दिल्या आहेत.
सचिन कुंडलकर यांनी पोस्टमध्ये लिहलं आहे ‘हॅप्पी बर्थडे , सगळीकडे धावत जाणारा मुलगा! काही वर्षांपूर्वी पॅरिसमध्ये हा फोटो दुपारी जेवताना काढला आहे. आम्ही ऑफिसमधून मेट्रोने कॅफे मध्ये पोचलो आणि हा तीन किलोमीटर सहज धावत आला! अशा शब्दात त्यांनी आपल्या भावना व्यक्त केल्या आहेत. सचिन कुंडलकर यांच्या ‘गंध’ चित्रपटात मिलिंद सोमणने काम केले होते.
सबा आझादच्या ‘त्या’ पोस्टवर हृतिकच्या पूर्वाश्रमीच्या पत्नीने केली कमेंट; म्हणाली…
अमृत महोत्सवाचे औचित्य साधत मिलिंद सोमणने झाशी ते लाल किल्ला धावून यूनिटी रन मॅरेथॉन करण्याचे ठरवले होते. त्याने १५ ऑगस्ट रोजी झाशी येथून धावायला सुरूवात केली. तेथून थेट दिल्लीपर्यंत धावत त्याचा यूनिटी रनचा प्रवास २२ ऑगस्टला समाप्त झाला. दिल्लीच्या लाल किल्ल्याबाहेर तिरंगा फडकवत मिलिंदने घेतलेला प्रवास पूर्ण केला होता. पंतप्रधान ,मोदींचीदेखील त्याने भेट घेतली होती.
मिलिंद सोमण सध्या सोशल मीडियावर चर्चेत असतो. मिलिंद आणि त्याची पत्नी अंकिता कोनवार आपल्या सोशल मीडिया अकाऊंटनवरून फोटो शेअर करत असतात. मिलिंद लवकरच कंगनाची ‘इमर्जन्सी’ चित्रपटात दिसणार आहे. मिलिंद या चित्रपटात सॅम मानेकशॉ यांची भूमिका साकारताना दिसणार आहे.
