हार्दिक जोशी व अक्षया देवधर त्यांचं नवविवाहित आयुष्य सध्या एण्जॉय करताना दिसत आहेत. लग्नानंतर दोघांनीही नाशिकला जात सप्तश्रृंगी देवीचं दर्शन घेतलं. त्यानंतर हार्दिकच्या घरीही अक्षयाचं जोरदार स्वागत झालं. दोघंही सध्या सुखी वैवाहिक आयुष्य जगत आहेत. पण सध्या लग्नानंतर फिरायला जाण्यासाठी हार्दिककडे वेळ नाही.
आणखी वाचा – लग्न झालं तरी हार्दिक जोशीला एका गोष्टीची खंत, बायकोचा उल्लेख करत म्हणाला, “मी तिला…”
हार्दिक त्याच्या कामाला अधिकाधिक प्राधान्य देतो. लग्नाची तयारीही अक्षयाने एकटीने केली असल्याचं हार्दिकने एका मुलाखतीमध्ये स्पष्ट केलं. आताही तो त्याच्या कामामध्ये व्यग्र आहे. अक्षयाला फिरायला घेऊन जाण्यासाठी तो अजूनही प्लॅन करत आहे.
‘लोकमत फिल्मी’ला दिलेल्या मुलाखतीमध्ये हार्दिकला त्याच्या आगामी चित्रपटांबाबत विचारण्यात आलं. यावेळी हार्दिक म्हणाला, “प्रेक्षकांना नेहमी वेगळं काय देता येईल याच्या प्रयत्नात मी असतो. काहीतरी वेगळं करण्याचा मी नेहमीच प्रयत्न करेन.”
आणखी वाचा – “आयुष्य बदललं कारण…” लग्नानंतर राणादा कसं जीवन जगतो? घरातून बाहेर पडताना बायकोला व्हिडीओ कॉल केला अन्…
“‘हर हर महादेव’ चित्रपटामध्ये माझं एक वेगळेपण लोकांना दिसलं. या चित्रपटानंतर अजून काही चित्रपट माझ्या हाती आहेत. एका चित्रपटाचं चित्रीकरण आताच पूर्ण झालं आहे. त्यामध्येही माझं वेगळेपण पाहायला मिळेल.” म्हणजेच हार्दिककडे सध्या मराठी चित्रपटांची रांग आहे. तो कामामध्ये व्यग्र असल्याने फिरायला जाण्याचं सध्यातरी हार्दिकने टाळलं आहे.
