love lagna locha new marathi movie will releases soon these actors in lead role 'Love लग्न लोचा' लवकरच येणार प्रेक्षकांच्या भेटीला! चित्रपटात दमदार कलाकारांची मांदियाळी, प्रमुख भूमिकेत झळकणार 'ही' फ्रेश जोडी...

Love Lagna Locha : 'Love लग्न लोचा' चित्रपट लवकरच होणार प्रदर्शित, आधुनिक विषयावर भाष्य करणारा चित्रपट...

लव्ह लग्न लोचा चित्रपट लवकरच येणार प्रेक्षकांच्या भेटीला ( फोटो सौजन्य : लोकसत्त ग्राफिक्स टीम )

Love Lagna Locha : प्रत्येकाला लग्न करताना आपल्या मनासारखा जोडीदार हवा असतो. प्रेम, मैत्री, विश्वास या गोष्टींना नात्यात खूप जास्त महत्त्व असतं. अशाच आगळ्या वेगळ्या विषयावर भाष्य करणारा ‘Love लग्न लोचा’ चित्रपट लवकरच प्रेक्षकांच्या भेटीला येणार आहे.

‘Love लग्न लोचा’ चित्रपटात प्रमुख भूमिका चेतन चिटणीस आणि आदिती पोहनकर यांच्या प्रमुख भूमिका असणार आहे. याशिवाय चित्रपटात दमदार कलाकारांची मांदियाळी पाहायला मिळेल. जुई पवार, अविनाश नारकर, वंदना वाकनीस, जयवंत वाडकर, अमोल नाईक असे बरेच कलाकार यामध्ये एकत्र झळकणार आहेत. ‘Love लग्न लोचा’ मध्ये प्रेक्षकांना रोमँटिक कॉमेडीची अनुभूती घेता येईल. प्रेम, मैत्री आणि विश्वास याची परिभाषा प्रेक्षकांना यामध्ये पाहता येईल.

हेही वाचा : रितेश भाऊ अन् जिनिलीया वहिनींकडून खास निमंत्रण! सूरज चव्हाण देशमुखांच्या घरी केव्हा जाणार? म्हणाला, “ते देवमाणूस…”

‘Love लग्न लोचा’ हा चित्रपट सर्वांसाठी सांगितिक पर्वणी ठरेल. चित्रपटाचा संगीत दिग्दर्शक म्हणून अवधूत गुप्तेने जबाबदारी सांभाळली आहे. शाल्मली खोलगडे, स्वप्नील बांदोडकर, आदर्श शिंदे, वैशाली माडे अशा लोकप्रिय गायकांनी यामध्ये गाणी गायली आहेत.

दिग्दर्शक सिनेमाबद्दल सांगतात, “आधुनिक काळातील जोडप्याची ही कथा आहे. हे जोडपं घरातून पळून जातं, दोघांमध्ये होणारे वाद यानंतर पार पडणाऱ्या सामुदायिक विवाहसोहळ्यात काय गंमत घडणार हे तुम्हाला प्रत्यक्ष चित्रपटात पाहायला मिळणार आहे.”

‘Love लग्न लोचा’ या चित्रपटाचं वेगळेपण म्हणजे सामुदायिक विवाह सोहळा. याच्या चित्रीकरणासाठी कोल्हापूरात शहरात १०० जोड्यांची लग्न लावण्यात आली होती. हा लग्न सोहळा खूप सुंदर आणि दिमाखदार दाखवण्यात आला आहे. चित्रपटाचा नायक अधिराज (चेतन चिटणीस) चित्रपटाची नायिका अनन्या (आदिती पोहनकर) हिच्याशी लग्न करण्यासाठी याच सामुदायिक विवाह सोहळ्याचा भाग होतो. पण जर १०० जोडप्यांच्या गडबडीत, काही गडबड झाली तर, तर मग काय घडणार? या विषयावर हा चित्रपट आधारलेला आहे.

हेही वाचा : मुहूर्त ठरला! ‘अशोक मा.मा.’ मालिकेत झळकणार प्रसिद्ध अभिनेत्याची लेक अन् ‘कलर्स मराठी’ची लोकप्रिय नायिका, पाहा प्रोमो

This quiz is AI-generated and for edutainment purposes only.

‘लव्ह, लग्न, लोचा’ या चित्रपटाची निर्मिती प्रांजली मोशन पिक्चर्सने केली असून संदेश कानडे हे चित्रपटाचे निर्माते आहेत. संकेत बहिरीनाथ आवळे, सागर प्रमोद गांवकर यांनी या चित्रपटाचं दिग्दर्शन केलं आहे. ‘लव्ह लग्न लोचा’ चित्रपटाचं शूटिंग कोल्हापूर, मुंबई, फिल्मसिटी गोरेगाव अशा ठिकाणी झालेलं आहे. प्रेमात पडलेल्या प्रत्येकासाठी लवकरच ‘Love लग्न लोचा’ हा चित्रपट प्रेक्षकांच्या भेटीला येत आहे.

Web Title: Love lagna locha new marathi movie will releases soon these actors in lead role sva 00