‘क्योंकी सांस भी कभी बहू थी २’मध्ये दिसणार ‘हे’ दोन जुने स्टार्स; २५ वर्षांपूर्वी ‘या’ शोद्वारे दोघांनीही केले होते पदार्पण

काही दिवसांपूर्वी कृष्णा तुलसीच्या भूमिकेत मौनी रॉयच्या कॅमिओची बातमी आली होती. आता पुलकित सम्राट लक्ष्य विरानीच्या भूमिकेत परतण्याची चर्चा जोरात सुरू आहे.

शोशी संबंधित एका जवळच्या सूत्रानुसार, ‘क्योंकी सांस भी कभी बहू थी’ मध्ये पुलकित सम्राट एक छोटासा पण प्रभावी कॅमिओ करणार आहे. तो त्याच्या लक्ष्य विरानीच्या संस्मरणीय भूमिकेत दिसणार आहे.

मौनी रॉयने ‘क्योंकि सास भी कभी बहू थी’ मध्ये कृष्णा तुलसीची भूमिका साकारून प्रत्येक घरात आपली ओळख निर्माण केली. तुलसीच्या दत्तक मुलीच्या या भूमिकेने शोमध्ये भावनिक वळण आणले, जे प्रेक्षकांना खूप आवडले. मौनीने स्वतः अनेक वेळा कबूल केले आहे की तिच्या कारकिर्दीची सुरुवात या शोमुळे आणि एकता कपूरमुळे झाली.

आज मौनी बॉलीवूड इंडस्ट्री गाजवत आहे. मौनी केवळ एक उत्तम अभिनेत्री म्हणूनच नाही तर फॅशन आयकॉन म्हणूनही ओळखली जाते. त्याचप्रमाणे पुलकित सम्राटने २००६ मध्ये ‘क्योंकि सास भी कभी बहू थी’ या मालिकेतून आपल्या अभिनय कारकिर्दीची सुरुवात केली. त्याने लक्ष्य विराणीची भूमिका साकारली होती, जो कृष्णाचा प्रियकर होता. पडद्यावर कृष्णा आणि लक्ष्य यांच्या केमिस्ट्रीमुळे ही जोडी त्या काळातील सर्वात आवडत्या टीव्ही जोडप्यांपैकी एक बनली होती.

नवीन सीझनमध्ये दोन्ही कलाकारांच्या पुनरागमनाच्या बातमीने चाहत्यांमध्ये बरीच चर्चा सुरू झाली आहे. हे पुनरागमन फ्लॅशबॅकमध्ये असो किंवा मोठ्या ट्विस्टसह असो, प्रेक्षक त्या क्षणाची आतुरतेने वाट पाहत आहेत. जर हे वृत्त खरे ठरले, तर कृष्णा-लक्ष्य यांचे हे पुनर्मिलन नवीन सीझनचे सर्वात मोठे आकर्षण ठरू शकते आणि शोच्या त्या चाहत्यांसाठी एक भेट असेल ज्यांच्यासाठी ही मालिका अजूनही खास आहे.