Video : मुकेश अंबानी लेक व सुनेसह सिद्धिविनायकाच्या चरणी, कुटुंबाच्या साधेपणाने वेधलं लक्ष

मुकेश अंबानी त्यांचा मुलगा आकाश अंबानी, सून श्लोका अंबानी व त्यांचा नातू पृथ्वी अंबानी यांच्याबरोबर आज दुपारी सिद्धिविनायकाच्या दर्शनासाठी आले होते. या वेळेचा त्यांचा व्हिडीओ सोशल मीडियावर खूप व्हायरल होत आहे. सिद्धिविनायकाच्या दर्शनाला जाताना त्यांच्या साधेपणाने सर्वांचंच लक्ष वेधलं आहे.

आणखी वाचा : रिसेप्शन सिद्धार्थ-कियाराचं पण चर्चा आकाश व श्लोका अंबानीच्या नम्रपणाची, व्हायरल व्हिडीओवर होतोय कौतुकाचा वर्षाव

मुकेश अंबानी व आकाश अंबानी यांनी सिद्धिविनायकाच्या दर्शनाला जाताना पांढऱ्या रंगाचा झब्बा परिधान केला होता. तर आकाश अंबानीची पत्नी श्लोका अंबानी हिने पांढऱ्या रंगाचा साधा ड्रेस व त्यावर गुलाबी रंगाची ओढणी परिधान केली होती. या वेळी मुकेश अंबानी त्यांच्या नातवाला कडेवर घेऊन चालताना दिसले.

हेही वाचा : थाटात संपन्न झाला मुकेश व नीता अंबानींच्या सुनेच्या डोहाळेजेवणाचा कार्यक्रम, श्लोका अंबानीच्या लूकने वेधलं लक्ष

आता त्यांचा हा व्हिडीओ चांगलाच चर्चेत आला आहे. सिद्धिविनायकाच्या दर्शनाला जातानाचा त्यांचा साधेपणा नेटकऱ्यांना चांगलाच भावला आहे. या व्हिडीओवर कमेंट करत एका नेटकऱ्याने लिहिलं, “अंबानी किती साधे राहतात. आपल्या नातवाला कडेवर घेऊन ते देवळात जात आहेत.” तर आणखी एक नेटकरी म्हणाला, “खरोखर… खूपच नम्र.” तर आणखी एका नेटकऱ्याने लिहिलं, “खूप कौतुकास्पद आहे… ते त्यांच्या नातवावर खूप चांगले संस्कार करत आहेत.”