“पावसाचं पाणी साचतं तेवढं पाणी विगच्या खाली…”; प्रसादने सांगितला शुटिंग दरम्यानचा मेकअपचा अनुभव

सिनेमात प्रसाद ओकला अशा पद्धतीने मेकअप केला आहे पडद्यावर बघितलं की खरोखर आनंद दिघेच आहेत असं वाटत. या मेकअपमागे खूप मेहनत असल्याचंही तो सांगतो. लोकसत्ता डॉट कॉम’ला दिलेल्या मुलाखतीच्या वेळी प्रसादने सांगितलं की, ” शुटिंगच्या दरम्यान मी थोडसं जरी वाकलो तरी हेअर विग सरकायचा. १२ तासांची शिफ्ट १४ तास चालायची, कधी कधी अगदी १६ तास चालायची. विग काढल्यानंतर अक्षरशः पावसाचं पाणी साचतं तसं माझ्या डोक्यावर घाम साचायचा. तो विग जागेवरून हलू नये म्हणून पटकन खाजवताही येत नव्हतं. विग, दाढी याकडे लक्ष देताना आपण नीट काम करतोयना याची चिंता असायची.”

प्रसाद आणि आनंद दिघे यांच्या हास्यामध्ये फरक होता. प्रसाद हसतो तेव्हा त्याचे दात दिसत नाहीत पण आनंद दिघे जेव्हा हसायचे तेव्हा त्यांचे दात दिसायचे. ही बारीकशी गोष्टही हुबेहूब दिसावी म्हणून प्रसादच्या हास्यावर काम करण्यात आलं होत. त्याबद्दल तो सांगतो की, ” हसताना दात दिसण्यासाठी डेंगचर लावलं होत. शुटिंगच्या दरम्यान ते निघू नये म्हणून काळजी घ्याववी लागायची.ते जास्त मोठ असल्यामुळे माझ्या हिरड्या दुखायला लागायच्या आणि त्याचा स्ट्रेस डोक्यावर यायचा. डोक्यावर विग असायचा त्यामुळे अर्ध शुटिंग मी डोके दुखितच केलं आहे.”

‘Digital Adda : धर्मवीर चित्रपटाच्या पडद्यामागचे किस्से अन् प्रसाद ओक’ पाहा खालील व्हिडीओमध्ये

१३ मे अर्थात आज सर्वत्र हा सिनेमा प्रदर्शित झाला आहे. या सिनेमाचा खास शो आज सकाळी ठाण्यातील व्हिवियाना मॉल येथील सिनेपोलिस मल्टिप्लेक्समध्ये पार पडला. यावेळी उपस्थित असलेल्या सर्व पाहुण्यांचे ढोल आणि लेझीम पथकाच्या तालास्वरात, मोठ्या जल्लोषात स्वागत करण्यात आले. तसेच धर्मवीर आनंद दिघे यांच्या कटआउटसमोर विधिवत पूजा करित दुग्धाभिषेक करण्यात आला.