scorecardresearch

Premium

अभिनेते प्रसाद खांडेकर यांची खंत प्रवीण दरेकरांनी सभागृहात मांडली, देवेंद्र फडणवीस म्हणाले…

प्रसाद खांडेकर यांनी मराठी चित्रपटांना थिएटर उपलब्ध होत नसल्याची खंत व्यक्त केली होती. हा मुद्दा आज सभागृहात चर्चेला आला.

What Pravin Darekar Said About Prasad Khandekar?
प्रसाद खांडेकर यांची कुठली खंत दरेकरांनी सभागृहात मांडली? (फोटो-प्राजक्ता राणे, ग्राफिक्स टीम, लोकसत्ता ऑनलाईन )

मराठी चित्रपटांना सिनेमासाठी थिएटर्स मिळत नसल्याची खंत हास्यजत्रा फेम सुप्रसिद्ध अभिनेते प्रसाद खांडेकर यांनी मांडली होती. ‘एकदा येऊन तर बघा’ या सिनेमात प्रसाद खांडेकर, नम्रता संभेराव, विशाखा सुभेदार यांच्यासह अनेक मराठी कलाकरांच्या भूमिका आहेत. हा मुद्दा आज विधान परिषदेचे सभागृह नेते प्रवीण दरेकर यांनी विधान परिषदेत मांडला. त्यावर तातडीने उपमुख्यमंत्री देवेंद्र फडणवीस यांनी एक महत्त्वाचं आश्वासन दिलं आहे.

काय म्हणाले प्रवीण दरेकर?

“अध्यक्ष महोदय, बोरीवलीतले एक कलाकार आहेत प्रसाद खांडेकर. त्यांचा एकदा येऊन तर बघा हा मराठी सिनेमा ८ डिसेंबरला प्रदर्शित होतो आहे. मात्र सिनेमातले काही बॉस आणि दादा लोक आहेत त्यांनी या मराठी सिनेमाला सिनेमागृह मिळू देत नाहीत. प्रसाद खांडेकर मराठी तरुण आहे. सामान्य कुटुंबातून आलेला कलाकार आहे. त्यांच्या मराठी सिनेमाला सिनेमागृह तातडीने उपलब्ध करुन द्यावं यात मुख्यमंत्री आणि उपमुख्यमंत्री यांनी लक्ष घालावं. ” अशी विनंती प्रवीण दरेकर यांनी केली.

udaan fame actress kavita chaudhary biography
व्यक्तिवेध: कविता चौधरी
Madhavi Mahajani balasaheb thackeray memory
नोकरी करताना झाला त्रास, बाळासाहेब ठाकरेंना कळालं अन्…; गश्मीर महाजनीच्या आईने सांगितला प्रसंग, म्हणाल्या, “मीनाताईही…”
Prabhavalkar Rohini Hattangadi
अनंत महादेवन यांच्या चित्रपटाची घोषणा
sadhu meher passes away at mumbai residence
ज्येष्ठ दिग्दर्शक, अभिनेते साधू मेहर यांचे निधन

देवेंद्र फडणवीस यांनी काय आश्वासन दिलं?

“अध्यक्ष महोदय, प्रसाद खांडेकर अतिशय गुणी कलावंत आहेत. हास्यजत्रेच्या माध्यमातून त्यांनी सातत्याने लोकांच्या मनावर पगडा निर्माण केला आहे. जर त्यांच्या मराठी सिनेमाला सिनेमागृह मिळत नसेल तर आवश्यकतेनुसार कायदेशीर कारवाईही केली जाईल. मात्र थिएटर उपलब्ध करुन दिलं जाईल.” असं आश्वासन उपमुख्यमंत्री देवेंद्र फडणवीस यांनी दिलं आहे.

काय आहे हा चित्रपट?

 मराठी कलाविश्वात सध्या ‘एकदा येऊन तर बघा’ या चित्रपटाची जोरदार चर्चा सुरू आहे. या चित्रपटाच्या निमित्ताने तब्बल १६ दिग्गज कलाकार महाराष्ट्रातील जनतेचं मनोरंजन करण्यासाठी सज्ज झाले आहेत. ‘एकदा येऊन तर बघा’ या फुलंब्रीकर कुटुंबाच्या हॉटेल व्यवसायात कोणकोणते ट्विस्ट येणार? याचा उलगडा ८ डिसेंबर २०२३ रोजी चित्रपटगृहात होणार आहे.

फुलंब्रीकर या सामान्य घरातील कुटुंबाला अचानक २० लाख रुपये मिळतात आणि पुढे हे तिघे भाऊ मिळून एक नवीन हॉटेल व्यवसाय सुरू करण्याचा निर्णय घेतात. त्यांच्या हॉटेलमध्ये नेमके कोणते पाहुणे येणार, कथानकात काय ट्विस्ट येणार? एका माणसाच्या मृत्यूनंतर फुलंब्रीकर कुटुंबासमोरच्या अडचणी कशा वाढणार हे सगळे प्रसंग चित्रपटात धमाल, कॉमेडीच्या रुपात पाहायला मिळणार असल्याचं या चित्रपटाचा ट्रेलर पाहून लक्षात आलं.

Latest Comment
View All Comments
Post Comment

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pravin darekar raised the issue which is raised by actor prasad khandekar in the house devendra fadnavis gave this promise scj

First published on: 07-12-2023 at 13:29 IST

संबंधित बातम्या

तुम्ही या बातम्या वाचल्या आहेत का? ×