रणबीर कपूरची जादू फिकी, अवाढव्य खर्च, जबरदस्त प्रमोशन करूनही ‘शमशेरा’ला थंड प्रतिसाद

आणखी वाचा – रणवीर सिंगचा न्यूड लूक पाहून नेटकरी सुसाट, मजेशीर कमेंट वाचून तुम्हालाही हसू होईल अनावर

गेल्या काही महिन्यांमध्ये बॉक्स ऑफिसवर हिंदी चित्रपट अपयशी ठरले. ‘शमशेरा’ची झलक पाहून बॉलिवूडमध्ये निर्माण झालेली परिस्थिती आता बदलणार असे अंदाज वर्तवले जात होते. मात्र या चित्रपटाच्या पदरी अपयश आलं आहे. रणबीरच्या ‘शमशेरा’ने प्रदर्शनाच्या पहिल्या दिवशी १० कोटी रुपये कमाई केली. ही कमाई इतर सुपरहिट चित्रपटांच्या तुलनेत फारच कमी आहे. विकेण्डला हा चित्रपट तुफान चालणार असा अंदाज होता.

मात्र प्रेक्षकांनी या चित्रपटाकडे पाठ फिरवली. शनिवारी (२४ जुलै) देखील चित्रपटाने फक्त ९ ते १० कोटी रुपयांच्या घरात बॉक्स ऑफिसवर गल्ला जमावला. म्हणजेच ‘शमशेरा’ने एकूण २० कोटी रुपये कमाई केली. या चित्रपटाच्या तुलनेत ‘भुल भुलैय्या २’ चित्रपटाने पहिल्याच दिवशी बॉक्स ऑफिसवर १४ कोटी रुपये कमाई केली होती. रणबीर जवळपास ४ वर्षांनी रुपेरी या चित्रपटाच्या निमित्ताने रुपेरी पडद्यावर परतला.

आणखी वाचा – “तेव्हा माझे वडील महाराष्ट्राचे मुख्यमंत्री होते पण…” अभिनेता रितेश देशमुख स्पष्टच बोलला

पण रणबीरची जादू मात्र फिकी पडली असंच म्हणावं लागेल. ‘शमशेरा’मध्ये रणबीर कपूर आणि संजय दत्त यांच्यामध्ये बरेच एक्शन सीन आहेत. यातील काही तर घोड्यावर बसून शूट करण्यात आले आहेत आणि त्यासाठी रणबीरनं घोडेस्वारीचं प्रशिक्षण घेतलं होतं. या चित्रपटाचं दिग्दर्शन करण मल्होत्रानं केलं आहे. तसेच चित्रपटात रणबीर व्यतिरिक्त वाणी कपूर, संजय दत्त, आशुतोष राणा, रोनित रॉय आणि सौरभ शुक्ला यांच्याही महत्त्वपूर्ण भूमिका आहेत.