शमिता शेट्टी- राकेश बापटचं झालं ब्रेकअप? नात्याबद्दल बोलताना अभिनेता म्हणाला…

हिंदुस्तान टाइम्सला दिलेल्या मुलाखतीत राकेश बापट शमिता शेट्टी आपली गर्लफ्रेंड आहे हे सांगताना अडखळलेला दिसला. त्याऐवजी शमिता आपली चांगली मैत्रीण असल्याचं त्यानं सांगितलं. एवढंच नाही तर त्या दोघांमध्ये कोणतंही नातं नाही तर एक खास बॉन्डिंग असल्याचं त्यानं सांगितलं.

आणखी वाचा- विवेक अग्निहोत्रींच्या विरोधात तक्रार दाखल, भोपाळी लोकांबाबतचं ‘ते’ आक्षेपार्ह विधान भोवलं

राकेश म्हणाला, ‘एक एनर्जी असते, जी दोन व्यक्तींना एकत्र आणते. आम्ही आनंदी आहोत. ती माझी खूप चांगली मैत्रीण आहे. जर तुमची मैत्री चांगली असेल तर कोणत्याही गोष्टीचा त्यावर परिणाम होत नाही. तिचं मन खूप चांगलं आहे. जे प्रामाणिक आहेत त्यांचा मी आदर करतो. आमच्या बऱ्याच आवडी निवडी सारख्या आहेत.’

आणखी वाचा- शरद पवारांच्या नातवाचा प्रसिद्ध अभिनेत्रीसोबत फोटो व्हायरल, चर्चांना उधाण

याशिवाय जेव्हा त्याला तुम्ही रिलेशनशिपमध्ये आहात का असा प्रश्न विचारण्यात आला. तेव्हा त्यावर उत्तर देताना तो म्हणाला, ‘मी याला रिलेशनशिप म्हणणार नाही. हा एक चांगला बॉन्ड आहे. आपण फक्त एखाद्या गोष्टीला नाव देण्याच्या मागे असतो. पण हे असं आहे की, जेव्हा दोन व्यक्ती एकमेकांसोबतचा सहवास एन्जॉय करतात. तेव्हा त्याला नाव दिलं तर तो एक नेम गेम होतो. मी शमिताचा नेहमीच आदर करतो.’