“मैंने प्यार किया चित्रपटानंतर अनेक महिने मी बेरोजगार होतो कारण…”, सलमान खानने केला खुलासा

“माझा पहिला चित्रपट १९८८ मध्ये प्रदर्शित झाला होता. ‘बीवी हो तो ऐसी’ असे या चित्रपटाचे नाव होते. या चित्रपटात रेखा आणि फारुख शेख हे मुख्य भूमिकेत होते. तर मी चित्रपटात सहाय्यक अभिनेत्याची भूमिका साकारली होती. त्यानंतर वर्षभराने म्हणजे १९८९ मध्ये ‘मैने प्यार किया’ या चित्रपटात मुख्य अभिनेता म्हणून सिनेसृष्टीत पदार्पण केले. हा चित्रपट सुपरहिट ठरला. यामुळे तो एका रात्रीत स्टार बनला. ‘मैंने प्यार किया’ या चित्रपटातील अभिनेत्री भाग्यश्री आणि सलमान या दोघांची जोडी चांगलीच पसंतीस उतरली होती.

दाक्षिणात्य चित्रपटांना कडी टक्कर, ‘हर हर महादेव’ चित्रपट मराठीसह ‘या’ चार भाषेत होणार प्रदर्शित

पण ‘मैने प्यार किया’ या चित्रपटानंतर अनेक महिने सलमान खानला रिकामी बसावे लागले होते. नुकतंच एका कार्यक्रमात त्याने याबाबतचा खुलासा केला आहे. “या चित्रपटानंतर अनेक महिने मी बेरोजगार होतो. ‘मैने प्यार किया’ हा चित्रपट प्रदर्शित झाल्यानंतर माझे दिवस फारसे चांगले नव्हते. हा चित्रपट प्रदर्शित झाल्यानंतर भाग्यश्रीने चित्रपट न करण्याचा निर्णय घेतला. त्यासोबत यानंतर तिने लग्न करणार असल्याचेही जाहीर केले होते. यामुळे तिला या चित्रपटाचे संपूर्ण श्रेय मिळाले आणि पुढील ६ महिने माझ्याकडे कोणतेही काम नव्हते.”, असे त्याने म्हटले.

“यानंतर देवाने माझ्या आयुष्यात रमेश तौरानी यांना पाठवले. त्यावेळी माझ्या वडिलांनी त्यांना २ हजार रुपये दिले आणि निर्माते जीपी सिप्पी यांना सांगितलं होतं की एका मासिकाला सलमानला चित्रपट मिळाला असल्याची खोटी बातमी द्यायला सांग, जीपी यांनी वडिलांच्या म्हणण्याप्रमाणे केले. पण त्या बातमीनंतर रमेश तौरानी हे स्वतः सिप्पी साहेबांच्या ऑफिसमध्ये आले आणि एका चित्रपटातील गाण्यासाठी मला ५ लाख रुपये दिले आणि त्याच ५ लाख रुपयांमुळेच मला ‘पत्थर के फूल’ हा चित्रपट मिळाला.” असे तो म्हणाला.