देशभरात लॉकडाउन सुरु आहे. लॉकडाउनमुळे लोक आता वैतागले आहेत. परंतु बॉलिवूडचा भाईजान सलमान खान मात्र या लॉकडाउनमध्ये चाहत्यांना सरप्राईजवर सरप्राईज देत चालला आहे. अलिकडेच त्याने आपले एक युट्यूब चायनल सुरु करुन प्रेक्षकांना चकित केले होते. त्यानंतर आता तो चक्क सॅनिटायझर विकताना दिसत आहे. Launching my new grooming & personal care brand FRSH! @FrshGrooming Yeh hai aapka, mera, hum sabka brand jo layega aap tak behtareen products. Sanitizers aa chuke hain, jo milenge aapko yaha Toh try karo!@FrshGrooming ko follow karo! #RahoFrshRahoSafe pic.twitter.com/iuteEphLzd — Salman Khan (@BeingSalmanKhan) May 24, 2020 सलमानने 'फ्रेश' (FRSH) नावाची एक कंपनी सुरु केली आहे. या कंपनीचे बॉडी स्प्रे, परफ्युम, साबण, सौदर्य प्रसाधने अशा प्रकारचे अनेक प्रोडक्ट लवकरच बाजारात येतील. परंतु सध्या करोनाच्या वाढत्या प्रभावामुळे सलमान केवळ सॅनिटायझरची विक्री करत आहे. या कंपनी बाबत अधिक माहिती देण्यासाठी सलमानने एक व्हिडीओ ट्विट केला आहे. सलमान सध्या सोशल मीडियावर प्रचंड सक्रिय आहे. अलिकडेच त्याची दोन गाणी सोशल मीडियावर प्रदर्शित झाली होती. या गाण्यांना चाहत्यांचा चांगला प्रतिसाद मिळाला होता. या पार्श्वभूमीवर सलमानच्या फ्रेश कंपनीचा हा व्हिडीओ सध्या सोशल मीडियावर चर्चेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत.
