VIDEO: जबराट फॅनकडून सोनू सूदला हटके सोल्यूट; भिंतीवर रेखाटलं चित्र

सोमिन जैन असं या जबराट फॅनचं आहे. तो जबलपूरमधल्या सराफा इथे राहणारा असून तो फाईन आर्टचा विद्यार्थी आहे. तो राहत असलेल्या घरातील छताच्या भिंतीवर त्याने सोनू सूदचं हे चित्र रेखाटलंय. जवळजवळ गेल्या १५ दिवसांपासून सोमिन प्रत्येक दिवसातले दोन तास या वॉल पेंटींगसाठी देत होता. करोना काळात अभिनेता सोनू सूद अगदी देवदूताप्रमाणेच गरजूंची विविधप्रकारे मदत करतोय, यासाठी त्याने मागचा पुढचा विचार न करता आपली स्वतःची मालमत्ता गहाण ठेवून गरिबांसाठी ऑक्सिजन आणि उपयोगी वस्तूंचा पुरवठा सुरू ठेवला. म्हणूनच त्याला सोल्यूट करण्यासाठी या अवलिया कलाकारने हे वॉल पेंटिग साकारले आहे. लहानपणापासून चित्रकलेचा छंद जडलेल्या सोमिनने पेंटिग करतानाचा एक व्हिडीओ त्याच्या ट्विटर अकाउंट शेअर करून अभिनेता सोनू सूदला देखील टॅग केलं. त्यानंतर सोनू सूदच्या या सुंदर पेंटिंगवर चाहत्यांनी लाईक्स आणि कॉमेंट्सचा वर्षाव करत त्याच्या कलेचं कौतुक केलं आहे.

मिलते हैं जल्द जबलपुर में। https://t.co/NR51f9BJOI

— sonu sood (@SonuSood) May 23, 2021

सोनू सूदने दिली ही प्रतिक्रिया
सोमिन जैनने शेअर केलेला व्हिडीओ सोशल मीडियावर व्हायरल झाल्यानंतर अभिनेता सोनू सूदने ही स्वतः या फॅनचा व्हिडिओ त्याच्या ट्विटर अकाउंटवर शेअर केला आणि त्याची माहिती आपल्या इतर चाहत्यांना दिली. सोबतच हा व्हिडीओ शेअर करताना त्याने एक कॅप्शन देखील लिहिली आहे. “भेटूया लवकरच जबलपुरमध्ये” असं त्याने या कॅप्शनमध्ये लिहिलंय. सोनू सूदच्या या फॅनने त्याचा व्हिडीओ शेअर करताना कॅप्शनमध्ये लिहिलं होतं की, “तु्म्ही जे काम करत आहात त्यापुढे माझं हे आर्ट खूपच छोटं आहे, जबलपुरमध्ये एकदा नक्की भेट द्या सर”. त्याला उत्तर म्हणून सोनू सूदने व्हिडीओ शेअर करताना ती कॅप्शन लिहिली आहे.