समांतर 2 मधील ‘ती बाई’ कोण असेल?; स्वप्नील जोशीच्या ट्विटने वाढवली उत्सुकता

स्वप्निल जोशीने ट्विटरवर समांतर २ विषयी एक प्रश्न नेटकऱ्यांना विचारला आहे. ‘समांतर २ मधील ती बाई… कुठल्या अभिनेत्रीला बघायला आवडेल? रिप्लायमध्ये तुमच्या मनातलं कास्टिंग सांगा’, असा प्रश्न स्वप्निलने नेटकऱ्यांना विचारला. नेटकऱ्यांनी सई ताम्हणकर, मुक्ता बर्वे, वैदेही परशुरामी, नेहा महाजन, अपूर्वा नेमळेकर अशी अनेक नावं सुचवली आहेत. आता ती बाई कोण साकारणार हे पाहणं औत्सुक्याचं ठरणार आहे.

समांतर2 मधील “ती बाई” !!!

कुठल्या अभिनेत्रीला बघायला आवडेल !?

Reply मध्ये तुमच्या मनातलं casting सांगा !
— Swwapnil Joshi | स्वप्नील जोशी (@swwapniljoshi) July 21, 2020

‘समांतर’च्या शेवटच्या भागात तेजस्विनी पंडित जिने स्वप्निल जोशी अर्थात कुमार महाजनच्या बायकोची भूमिका साकारली आहे तिच्या व्यतिरिक्त आणखी ‘एका बाई’ची एण्ट्री होते. तर ही बाई कोण असेल अशी उत्कंठा चाहत्यांना लागून राहिली आहे.

सुहास शिरवळकर यांच्या याच नावाच्या कादंबरीवर आधारित ही मराठी वेब सीरिज सतीश राजवाडे यांनी दिग्दर्शित केली आहे. नऊ भागांची ही वेब सीरिज आहे.