Madhurani Prabhulkar New Home : ‘आई कुठे काय करते’ या मालिकेतील अरुंधती घराघरांत लोकप्रिय आहे. गेली पाच वर्षे ही मालिका प्रेक्षकांच्या मनावर अधिराज्य गाजवत आहे. या मालिकेतील प्रत्येक कलाकारांबरोबर प्रेक्षकांचं एक अनोखं नातं तयार झालं आहे. मालिकेत अरुंधतीची भूमिका अभिनेत्री मधुराणी प्रभुलकर साकारत आहे. तिचा चाहतावर्ग मोठ्या प्रमाणात आहे. आजच्या घडीला घराघरांत मधुराणीला अरुंधती म्हणून ओळखलं जातं. अशा या प्रेक्षकांच्या लाडक्या अभिनेत्रीने एक आनंदाची बातमी सर्वांबरोबर शेअर केली आहे.
‘आई कुठे काय करते’ फेम मधुराणी प्रभुलकरने मुंबईत आपलं हक्काचं घर खरेदी केलं आहे. आपल्या लेकीसह तिने या नव्या फ्लॅटची पहिली झलक सर्वांबरोबर शेअर केली आहे. या व्हिडीओमध्ये अभिनेत्रीची लेक हे नवीन घर पाहून भारावून गेल्याचं पाहायला मिळत आहे. सध्या मधुराणीच्या व्हिडीओवर शुभेच्छा अन् कौतुकाचा वर्षाव करण्यात येत आहे.
मधुराणी गोखलेने खरेदी केलं नवीन घर
मधुराणी ( Madhurani Prabhulkar ) नव्या घराची पहिली झलक शेअर करत लिहिते, “मुंबईत आपलं स्वतःचं घर असावं आणि तेही विलेपार्ले पूर्व इथेच. हे अनेक वर्षं हृदयाशी जपून ठेवलेलं स्वप्न…! ते स्वप्न पूर्ण होणं आणि लेकीच्या साथीनं त्या स्वप्नपूर्तीचा आनंद द्विगुणित होणं हे सगळंच अनमोल आहे. आज मन कृतज्ञतेने भरून आलंय. आई वडिलांचे आणि सर्व थोरा मोठ्यांचे कृपाशीर्वाद, गुरुकृपा, आणि असंख्य शुभचिंतकांच्या सदिच्छा निव्वळ यामुळेच हे स्वप्न साकारलंय…!!! सविनय व सादर आभार”
मुधराणीच्या ( Madhurani Prabhulkar ) पोस्टवर असंख्य नेटकऱ्यांसह मराठी कलाकारांनी कमेंट्स करत तिचं कौतुक केलं आहे. सुकन्या मोने यांनी “मनःपूर्वक अभिनंदन! खरं आहे पार्ल्यात घर घेणं सोप्प नाहीये. पण, ते तू करून दाखवलं आहेस” अशी प्रतिक्रिया या व्हिडीओवर दिली आहे.
हेही वाचा : Bigg Boss Marathi तून बाहेर पडल्यावर आर्या जाधवची पहिली पोस्ट; नेटकरी म्हणाले, “निक्कीला…”
दरम्यान, या वर्षांत मराठी मनोरंजन विश्वातील अनेक कलाकारांनी नवीन घरं, गाड्या खरेदी करत आपली स्वप्नूर्ती केल्याचं पाहायला मिळालं. यात आता मधुराणी ( Madhurani Prabhulkar ) नाव देखील जोडलं गेलं आहे.
