“मी या घरात काहीही फोडू शकतो…”, बिग बॉसमध्ये एंट्री घेताच भडकला अभिजीत बिचुकले; अंकिताला म्हणाला, “तुमचा कुचकेपणा…”

बिग बॉसच्या घरात आल्यावर अभिजीतने सूरजची बाजू घेऊन अंकिता वालावलकरला काही गोष्टी सुनावल्या. ‘बिग बॉस’ने नुकताच घरातील सदस्यांना एकमेकांना टार्गेट करण्याचा टास्क दिला होता. त्यामध्ये घरात ठामपणे आपलं मत न मांडणाऱ्या दोन सदस्यांची नावं घ्यायची होती. यावेळी अंकिताने सूरजचं नाव घेतलं होतं. याचाच उल्लेख करत अभिजीतने अंकिताला काय म्हटलं, ते जाणून घेऊयात.

Video: “निक्की तांबोळीची बोलती बंद…”, राखी सावंतच्या धमाकेदार एंट्रीवर प्रेक्षक म्हणाले, “शेवट गोड होतोय…”

‘मैं हू डॉन’ या गाण्यावर अभिजीत बिचुकले एंट्री करतो. डॉ. अभिजीत बिचुकले का सादर नमस्कार, असा डायलॉग तो मारतो. यावर घरातील सदस्य हसताना दाखवले आहेत. नंतर घरात तो अंकिताला म्हणतो, “ते लाल फुली जेव्हा मारली तेव्हा तू सूरजला म्हटलीस… पण बहीण असं कधीच करत नाही. तुमचा कुचकेपणा दिसला.” त्यानंतर तो म्हणतो की “मला इतका राग येतोय, मी या घरात काहीही फोडू शकतो.” बिचुकलेला राग नेमका कशामुळे आला ते प्रोमोमध्ये स्पष्ट झालेलं नाही. त्यामुळे आजच्या भागात घरात काय होणार याकडे प्रेक्षकांचे लक्ष लागले आहे.

“अरबाजची आई म्हणते मी किती मुलींना घरात घेऊ, तू तिसरी…”, सर्वांसमोर आईचं विधान ऐकताच निक्कीला बसला धक्का; म्हणाली…

या व्हिडीओवर नेटकरी कमेंट्स करून प्रतिक्रिया देत आहेत. ‘बिग बॉस प्रेक्षकांचं म्हणणं इतकं पण मनावर घ्यायचं नव्हतं, राखी आणि बिचुकले दोघांना बरोबर पाठवलं,’ ‘अंकिताला बरोबर बोलले,’ ‘डॉ. अभिजीत बिचुकलेंनी बरोबर अंकिताला ओळखले..’, ‘आज तर बिग बॉसने खुश करून टाकलं,’ ‘सगळ्यांची इच्छा पूर्ण झाली आज’ अशा कमेंट्स यावर नेटकऱ्यांनी केल्या आहेत. ‘घरातले सारेच दचकले – जेव्हा आले डॉ. बिचुकले’, अशी कमेंट उत्कर्ष शिंदेने या प्रोमोवर केली आहे.