‘चला हवा येऊ द्या’मधून भारत गणेशपुरेंचा नातू अभिनय क्षेत्रात पदार्पण करणार, साडेचार वर्षांचा अयांश म्हणाला…

‘चला हवा येऊ द्या’ या कार्यक्रमाच्या पहिल्या भागापासून अभिनेते भारत गणेशपुरे या कार्यक्रमातून प्रेक्षकांचे मनोरंजन करीत आले आहेत. या कार्यक्रमाने त्यांना नवी ओळख दिली. आज त्यांचा चाहतावर्गही प्रचंड आहे. या कार्यक्रमांमध्ये त्यांनी साकारलेले प्रत्येक पात्र प्रेक्षकांच्या मनात घर करून गेले आहे. आता त्यांचा नातू या कार्यक्रमातून छोट्या पडद्यावर पदार्पण करण्यास सज्ज झाला आहे.

आणखी वाचा : Video: नाचता नाचता स्टेजवरून खाली पडला कुशल बद्रिके, ‘चला हवा येऊ द्या’मधील व्हिडीओ व्हायरल

अयांश कपिले असे त्यांच्या नातवाचे नाव आहे. अयांश त्यांच्या भाचीचा मुलगा आहे. नुकतीच अयांशने ‘चला हवा येऊ द्या’च्या शूटिंगला सुरुवात केली. तो साडेचार वर्षांचा आहे. “माझी आत्या माझ्या बहिणीच्या लग्नात अमरावतीला आली होती तेव्हा तिने अयांशला पाहिले. तिने अयांशची मस्ती, त्याचे बोलणे, त्याचा डान्स पाहिला आणि तिला अयांशमध्ये टॅलेंट दिसले. माझे मामा भारत गणेशपुरेही ‘चला हवा येऊ द्या’मध्ये काम करीत आहेत. अशी अयांशची अभिनयाची सुरुवात झाली,” असे अयांशच्या आईने ‘लोकमत’शी बोलताना सांगितले. तर “मुंबईमध्ये राहायला आणि शूटिंग करायला खूप मजा येते,” असे अयांशने या मुलाखतीत सांगितले.

हेही वाचा : “अशोक मामांनंतर तूच…”; कुशल बद्रिकेला मिळाली लाखमोलाची प्रतिक्रिया, उत्तर देत अभिनेता म्हणाला…

‘चला हवा येऊ द्या- लहान तोंडी मोठा घास’ हे नवीन पर्व १५ मे पासून प्रेक्षकांच्या भेटीला येणार आहे. तर या पर्वामध्ये लोकप्रिय बालकलाकार मायरा वायकुळही सहभागी होणार आहे. त्यामुळे लहान मुलांची ही धमाल बघणे म्हणजे प्रेक्षकांसाठी मेजवानीच असेल