ऋता दुर्गुळेच्या हातावरील ‘hdp’ टॅटूचा अर्थ काय? अभिनेत्रीनेच सांगितलं होतं गुपित, जाणून घ्या

ऋता नेहमीच तिच्या आयुष्याबद्दल दिलखुलासपणे भाष्य करत असते. तर आतापर्यंत अनेकदा ती तिच्या टॅटूबद्दलही बोलली आहे. तिने तिच्या हाताच्या मनगटावर hdp ही अक्षरं असलेला टॅटू काढला आहे. या टॅटूचा अर्थ काय असा प्रश्न अनेकांना पडलेला असतो.

आणखी वाचा : “कुठे मिळते अशी सासू…,” ऋता दुर्गुळेने उलगडलं सासूबाईंबरोबर असलेलं नातं, म्हणाली, “त्या खूप…”

तर ऋताच्या हातावर असलेला हा hdp लिहिलेला टॅटू म्हणजे ती आणि तिच्या दोन मैत्रिणींनामधील असलेल्या मैत्रीचं प्रतीक आहे. ऋताने आणि ध्रुवी आणि पूर्वा या तिच्या दोन खास मैत्रिणींनी त्या तिघींच्याही हातावर एकाच फॉन्टमध्ये त्या तिघींच्या नावातील पहिली अक्षर कोरली आहेत. त्या तिघी किती घट्ट मैत्रिणी आहेत हे या टॅटूमधूनच स्पष्ट होतं.

हेही वाचा : “… म्हणून ‘दादा एक गुड न्यूज आहे’ नाटक सोडलं,” ऋता दुर्गुळेने स्पष्ट केलं कारण

दरम्यान, ऋता आत्तापर्यंत अनेक चित्रपट, नाटकं, मालिकांमधून प्रेक्षकांच्या भेटीला आली आहे. तिचा चाहतावर्गही प्रचंड मोठा आहे. तर आज तिच्या वाढदिवसानिमित्त तिचे चाहते आणि मनोरंजनसृष्टीतील तिची मित्रमंडळी सोशल मीडियावरून तिला शुभेच्छा देत आहेत.