अभिनेत्री तेजश्री प्रधानची प्रमुख भूमिका असलेली ‘प्रेमाची गोष्ट’ ही मालिका सध्या चांगलीच चर्चेत आहे. या मालिकेचा पहिला भाग नुकताच प्रदर्शित झाला. या मालिकेत राज हंचनाळे, इरा परवडे, शुभांगी गोखले, अपूर्वा नेमळेकर हे कलाकार झळकत आहे. या मालिकेचा पहिला भाग पाहिल्यानंतर अभिनेत्री सखी गोखलेने प्रतिक्रिया दिली आहे.
सखी गोखलेने नुकतंच इन्स्टाग्रामवर एक पोस्ट शेअर केली आहे. यात तिने एक कोलाज फोटो पोस्ट केला आहे. यावेळी तिने मालिकेतील आणि शूटींगच्या वेळीचे काही फोटो कोलाज केले आहेत. त्याला तिने हटके कॅप्शन दिले आहे.
आणखी वाचा : “१० वर्षांपूर्वी घराची नोंदणी केली, पण…”, शशांक केतकरची मोठी फसवणूक; म्हणाला “बिल्डरला…”
“नुकताच मी ‘प्रेमाची गोष्ट’ या मालिकेचा पहिला एपिसोड काल रात्री पाहिला. अम्मा तू भारी काम केलंस. काय भारी एपिसोड आहे. फारच छान. अजून काही भाग पाहायला नक्कीच आवडेल.
स्टार प्रवाहवरील ‘प्रेमाची गोष्ट’ मालिका नक्कीच बघा. उत्तम लेखन, दिग्दर्शन, डिझाईन आणि कलाकार. टीमला खूप खूप शुभेच्छा”, अशी पोस्ट सखी गोखलेने केली आहे.
आणखी वाचा : Video : प्राजक्ता गायकवाडने लुटला मंगळागौरीचा आनंद, फुगड्या खेळतानाचा व्हिडीओ शेअर करत म्हणाली…
दरम्यान, तेजश्री प्रधानची ‘प्रेमाची गोष्ट’ ही मालिका ‘ये है मोहेब्बतें’चा या हिंदी मालिकेचा रिमेक आहे. या मालिकेत चिमुकल्या सईवरच्या प्रेमापोटी दोन विरोधी स्वभावाचे मुक्ता आणि सागर कसे एकत्र येतात? दोघांमधील प्रेम कसं बहरत? हे पाहायला मिळणार आहे.
