Video: रितेश-जिनिलीयाच्या गाण्यावर डान्स अन्…, नारकर जोडप्याने ‘अशी’ साजरी केली धुळवड, पाहा व्हिडीओ

नुकतंच लाडक्या नारकर जोडप्याने एक व्हिडीओ शेअर करत आपल्या चाहत्यांना धुळवडीच्या शुभेच्छा दिल्या आहेत. या व्हिडीओत, ऐश्वर्या नारकर व अविनाश नारकर एकमेकांना रंग लावून धुळवड साजरी करताना दिसत आहे. शिवाय रितेश देशमुख व जिनिलीया देशमुख यांचं लोकप्रिय ‘धुवून टाक’ या गाण्यावर ऐश्वर्या व अविनाश नारकर थिरकताना पाहायला मिळत आहेत.

हेही वाचा – Video: ऐश्वर्या-अविनाश नारकरांच्या लेकाचा जबरदस्त डान्स पाहिलात का? कलाकार मंडळीही म्हणाले, “खतरनाक…”

नारकर जोडप्याचा हा व्हिडीओ अवघ्या काही मिनिटांत सोशल मीडियावर व्हायरल झाला आहे. या व्हिडीओवर कलाकार मंडळींसह चाहते ऐश्वर्या व अविनाश यांना शुभेच्छा देताना दिसत आहेत. “कमाल”, “होळीच्या शुभेच्छा”, “मस्त”, “बसं एवढं आयुष्यात एन्जॉय करता आलं पाहिजे,” अशा अनेक प्रतिक्रिया नेटकऱ्यांनी नारकर जोडप्याच्या या व्हिडीओवर दिल्या आहेत.

हेही वाचा – Video: आला होळीचा सण लय भारी…, ‘प्रेमाची गोष्ट’ मालिकेतील आदित्य-सईचा रितेश-जिनिलीयाच्या गाण्यावर जबरदस्त डान्स

दरम्यान, दोघांच्या कामाबद्दल बोलायचं झालं तर, अविनाश हे ‘सन मराठी’ वाहिनीवरील ‘कन्यादान’ या मालिकेत वडिलांच्या भूमिकेत पाहायला मिळत आहेत. तर ऐश्वर्या नारकर ‘झी मराठी’ वाहिनीवरील ‘सातव्या मुलीची सातवी मुलगी’ या मालिकेत झळकत आहेत. या मालिकेमध्ये त्यांनी अद्वैत म्हणजेच अजिंक्य ननावरेच्या आईची भूमिका साकारली आहे.